37 سال سے میچنگ لباس پہننے والا جوڑا

ویب ڈیسک  بدھ 8 مارچ 2017
یہ بزرگ جاپانی جوڑا اپنی تصاویر سوشل میڈیا پر شیئر کرتا ہے جو تیزی سے وائرل ہوتی ہیں
فوٹو: بشکریہ بون پون 511 انسٹا گرام اکاؤنٹ

یہ بزرگ جاپانی جوڑا اپنی تصاویر سوشل میڈیا پر شیئر کرتا ہے جو تیزی سے وائرل ہوتی ہیں فوٹو: بشکریہ بون پون 511 انسٹا گرام اکاؤنٹ

ٹوکیو: جاپان میں ایک عمررسیدہ جوڑا گزشتہ 37 برس سے میچنگ لباس پہن رہا ہے اور دونوں جدید فیشن کے ساتھ لباس پہن کر تصاویر انسٹا گرام پر اپ لوڈ کردیتے ہیں۔

اس خوش مزاج اور خوبصورت جوڑے کی تصاویر دنیا بھر میں مقبول ہورہی ہیں اور اب تک انسٹا گرام پر ان کے 65 ہزار سے زائد فالوور بن چکے ہیں۔ جاپانی جوڑے کا انسٹا گرام اکاؤنٹ بون پون 511 ہے جو بیوی اور شوہر کے ناموں کے مجموعے اور ان کی شادی کی تاریخ کو ظاہر کرتا ہے۔

اس بزرگ جوڑے کی تصاویر دیکھ کر گمان ہوتا ہے کہ دونوں بہت خوش لباس ہیں اور جدید تقاضوں کےتحت کپڑے پہنتے ہیں۔ دونوں میاں بیوی کے لباس میں فیشن کے لحاظ سے میچنگ دکھائی دیتی ہے جو ان کے فیشن کے ادراک کا منہ بولتا ثبوت ہے۔

دونوں روزانہ نیا میچنگ لباس پہن کر تصاویر بنواتے ہیں اور اپنے فینز سے داد پاتے ہیں۔ انسٹا گرام پر ان کے مداح دونوں کی تصاویر دیکھ کر دل کھول کر داد دیتے ہیں اور دوسری جانب ان کی تصاویر بھی وائرل ہورہی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔