اوباما نے گوانتانامو بے جیل سے خطرناک قیدی رہا کیے، ڈونلڈ ٹرمپ

واشنگٹن ڈی سی: امریکی صدر ڈونلڈ ٹرمپ نے سابق صدر براک اوباما پر نیا الزام لگاتے ہوئے کہا ہے کہ انہوں نے بدنام زمانہ جیل گوانتا نامو بے میں قید درجنوں انتہائی خطرناک دہشت گردوں کو رہا کیا۔

اگرچہ ٹرمپ نے اپنے اس الزام کا ماخذ بیان نہیں کیا لیکن بظاہر ان کا اشارہ ڈائریکٹر آف نیشنل انٹیلی جنس آفس کی جاری کردہ اُس ششماہی رپورٹ کی طرف ہے جس میں کہا گیا ہے کہ جولائی 2016 میں گوانتا نامو بے جیل سے رہائی پانے والے قیدیوں میں سے 122 دوبارہ دہشت گردی میں ملوث ہو گئے ہیں۔

اس خبر کو بھی پڑھیں: گوانتاناموبے جیل بند کرنے کے بجائے امریکا منتقل کرنے کا فیصلہ

122 vicious prisoners, released by the Obama Administration from Gitmo, have returned to the battlefield. Just another terrible decision!

— Donald J. Trump (@realDonaldTrump) March 7, 2017

واضح رہے کہ ڈائریکٹر آف نیشنل انٹیلی جنس آفس نے اپنی مذکورہ رپورٹ میں منگل کے روز ہی تصحیح کرتے ہوئے کہا تھا کہ براک اوباما کے دورِ صدارت میں جِن 182 قیدیوں کو رہا کیا گیا، اُن میں سے صرف 8 (یعنی 4.4 فیصد) دوبارہ دہشت گردی کی سرگرمیوں میں ملوث ہوئے جبکہ مزید 13 قیدیوں (7.1 فیصد) کے بارے میں شبہ ہے کہ وہ دہشت گرد گروپوں کے ساتھ مل گئے ہیں لیکن اس کی تصدیق نہیں ہوسکی۔

اس خبر کو بھی پڑھیں: گوانتاناموبے میں موجود قیدیوں کی تعداد 93 رہ گئی