فواد احمد بیٹ کے بغیر بیٹنگ کیلیے میدان میں جا کر مذاق کا نشانہ بن گئے

ایک ساتھی کھلاڑی نے پیچھے سے آواز لگاکر انھیں واپس بلا کر بیٹ تھمایا۔

اسپورٹس ڈیسک جمعـء 10 مارچ 2017

ایک ساتھی کھلاڑی نے پیچھے سے آواز لگاکر انھیں واپس بلا کر بیٹ تھمایا۔ فوٹو : فائل

سڈنی: ایک ڈومیسٹک میچ میں پاکستان نژاد آسٹریلوی کرکٹر فواد احمد بغیر بیٹ کے بیٹنگ کیلیے میدان میں چلے گئے۔

فواد احمد اپنی ڈومیسٹک ٹیم وکٹوریہ کی جانب سے عام طور پر 11ویں نمبر پر بیٹنگ کرتے ہیں۔ شیفلڈ شیلڈ میچ میں ویسٹرن آسٹریلیا سے میچ کے دوران فواد اس وقت مذاق بن کر رہ گئے جب گلوز پہن کر بغیر بیٹ تھامے بیٹنگ کیلیے وکٹ کی جانب چل دیے، بعدازاں ان کے ایک ساتھی کھلاڑی نے پیچھے سے آواز لگاکر انھیں واپس بلا کر بیٹ تھمایا۔