کترینہ کیف فلم کی شوٹنگ کے دوران شدید زخمی

ویب ڈیسک  جمعـء 10 مارچ 2017
فلم کی شوٹنگ اس وقت روک دی گئی جب اداکارہ سیٹ پرشدید زخمی ہوگئیں: فوٹو: فائل

فلم کی شوٹنگ اس وقت روک دی گئی جب اداکارہ سیٹ پرشدید زخمی ہوگئیں: فوٹو: فائل

ممبئ: بالی ووڈ کی باربی ڈول کترینہ کیف نئی آنے والی فلم ’’جگا جاسوس‘‘ کی شوٹنگ کے دوران شدید زخمی ہوگئیں۔

بھارتی میڈیا رپورٹس کے مطابق ہدایتکارانوراگ باسوکی فلم ’’جگا جاسوس‘‘ ایسی فلم بن گئی ہے جوکسی نہ کسی مسئلے کے باعث ریلیزکے لیے تاخیرکا شکارہوہی جاتی ہے۔ فلم جگا جاسوس پہلے بھی متعدد باراداکاررنبیراورکترینہ کے درمیان علیحدگی کے باعث تاخیرکا شکارہوئی تاہم اب فلم کی شوٹنگ اس وقت روک دی گئی جب اداکارہ سیٹ پرشدید زخمی ہوگئیں۔

اس خبر کو بھی پڑھیں: کترینہ کا رنبیرکے ساتھ ’’جگا جاسوس‘‘ کی پروموشن سے صاف انکار

رپورٹس کے مطابق فلم کی شوٹنگ آخری مراحل میں تھی کہ اداکارہ پرسیٹ پرلگا ایک بھاری بھرکم حصہ آ گرا جس کے باعث ان کی گردن اورکمرپرخاصی چوٹیں آئیں۔ اداکارہ کوفوری طورپرڈاکٹرکے پاس لے جایا گیا۔ ڈاکٹرنے کترینہ کومستقل آرام کا مشورہ دیتے ہوئے کچھ وقت کے لیے شوٹنگ سمیت ان تمام سرگرمیوں سے دوررہنے کا مشورہ دیا جن میں انہیں محنت کرنا پڑے۔

واضح رہے کہ کترینہ اوررنبیرکی علیحدگی کے بعد دونوں ہی فنکاروں نے فلم میں عدم دلچسپی کا اظہارکردیا تھا تاہم فلم نگری سے وابستہ چند نمایاں شخصیات کے سمجھانے کے بعد دونوں اداکاروں نے شوٹنگ مکمل کرانے کی حامی بھری تھی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔