کالعدم نفاذ شریعت محمدیہ کے سربراہ مولانا صوفی محمد کی حالت بگڑ گئی

پشاور: کالعدم نفاذ شریعت محمدیہ کے سربراہ مولانا صوفی محمد کی حالت بگڑ گئی ہے اور انھیں تشویشناک حالت میں لیڈی ریڈنگ اسپتال پشاور میں داخل کردیاگیا ہے جہاں پرمولانا صوفی محمد نے علاج کرانے سے انکار کردیا ہے۔

مولانا صوفی محمد کو گزشتہ روز حالت خراب ہونے پر سخت سیکیورٹی میں ایل آر ایچ پشاور منتقل کیا گیا تھا، وہ گردوں اور شوگر کے امراض میں مبتلا ہیں۔

اسپتال ذرائع کے مطابق مولانا صوفی محمد کا علاج اس سے قبل بھی جاری تھا تاہم جیل میں ان کی حالت خراب ہونے پر انھیں اسپتال لایا گیا تاہم مولانا صوفی محمد کے علاج سے انکار پر ڈاکٹروں کو شدید مشکلات کا سامناکرنا پڑ رہا ہے جبکہ مولانا صوفی محمد کے کمرے میں خواتین نرسوں کے داخلے پر بھی پابندی عائد کردی گئی ہے۔

واضح رہے کہ اسپتال اور جیل انتظامیہ کے موقف کے مطابق مولانا صوفی محمد کو سالانہ معائنے کے لیے اسپتال میں داخل کرایا گیا ہے۔