دلیرمہدی کی بیٹے کے ہمراہ کراچی میں شاندار پرفارمنس

نمرہ ملک  پير 20 مارچ 2017
پاپ گلوکار نے شادی کی تقریب میں مشہور گیت گار چار چاند لگادیئے، 
فوٹو:کلچرل رپورٹر

پاپ گلوکار نے شادی کی تقریب میں مشہور گیت گار چار چاند لگادیئے، فوٹو:کلچرل رپورٹر

 کراچی: معروف بھارتی گلوکار دلیر مہدی نے 13 سال بعد پاکستان میں شاندار پر فارمنس دی جہاں انہوں نے کراچی میں شادی کی تقریب کو چار چاند لگادیئے۔

دلیر مہدی کچھ دن قبل نجی دورے پر کراچی پہنچے جہاں انہوں نے گزشتہ روز شادی کی تقریب میں شاندار پرفارمنس پیش کی اور اپنے مشہور گیتوں ’’لندن ٹھمکدا‘‘ ،’’ کڑیاں شہر دیاں‘‘ ،’’گڑنال عشق مٹھا‘‘ اور ’’ساڈے نال رہوگے تے عیش کرو گے‘‘ گاکر تقریب کو چار چاند لگا دیئے۔

دلیر مہدی کی اس پرفارمنس کی خاص بات یہ تھی کہ ان کے ہمراہ ان کے بیٹے بھی تھے، تقریب میں شاندار پرفارمنس سے تقریب کے شرکا کی خوشی کا کوئی ٹھکانہ نہ تھا اور شرکا گیتوں پر جھومتے رہے۔

گلوکار دلیر مہدی نے پاکستان میں 13 سال بعد کسی تقریب میں پرفارم کیا ہے لیکن اس دوران وہ میڈیا سے پوری طرح دور رہے۔

واضح رہے کہ دلیر مہدی 2004 میں عمران خان کی دعوت پر اسپتال کے لیے فنڈ جمع کرنے کی مہم میں شرکت کی تھی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔