بھارت اپنے مذموم مقاصد میں کامیاب نہیں ہوگا، سربراہ پاک فوج

ویب ڈیسک  جمعـء 24 مارچ 2017
بھارت ایل او سی پر شرپسندوں کی موجودگی کا پروپیگنڈا کررہا ہے، جنرل قمر جاوید باجوہ، فوٹو؛ فائل

بھارت ایل او سی پر شرپسندوں کی موجودگی کا پروپیگنڈا کررہا ہے، جنرل قمر جاوید باجوہ، فوٹو؛ فائل

راولپنڈی: آرمی چیف جنرل قمر جاوید باجوہ کا کہنا ہے کہ بھارت ایل او سی پر شرپسندوں کی موجودگی کا پروپیگنڈا کررہا ہے لیکن وہ اپنے مذموم مقاصد میں کامیاب نہیں ہوگا۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باوجوہ نے کنٹرول لائن پر کیل سیکٹر اور شاردا میں اگلے مورچوں کا دورہ کیا جہاں آرمی چیف کو خانہ ومردم شماری سے متعلق پاک فوج کے تعاون پر بریفنگ دی گئی جب کہ میجر جنرل اظہر عباس نے ایل او سی کی صورتحال اور سیز فائر کی بھارتی خلاف ورزیوں پر بھی بریفنگ دی۔

اس خبر کو بھی پڑھیں: پاکستان کے دشمن خبردار رہیں، آرمی چیف جنرل قمر باجوہ

آئی ایس پی آر کے مطابق آرمی چیف نے پاک فوج کی آپریشنل تیاریوں اور سیز فائرکی خلاف ورزیوں کامؤثر جواب دینے پر جوانوں کی تعریف کی اور آزاد جموں کشمیر حکومت کے تعاون سے ترقیاتی کام یقینی بنانے کی ہدایت دی۔ جنرل قمر باجوہ نے بھارت کو مؤثر جواب دینے اور پاک فوج کی پیشہ وارانہ تیاروں کو سراہتے ہوئے کہا کہ بھارت ایل او سی پر شرپسندوں کی موجودگی کا پروپیگنڈا کررہا ہے لیکن وہ اپنے مذموم مقاصد میں کامیاب نہیں ہوگا جب کہ پاک فوج کنٹرول لائن پر آباد لوگوں کا تحفظ اور سلامتی یقینی بنائے رکھے گی، آزاد کشمیر کے عوام مقبوضہ وادی میں بھارتی ظلم سے آگاہ ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔