ہدایتکار کرن جوہر گلوکار بن گئے

ممبئی: بالی ووڈ کے نامور پروڈیوسر و ہدایتکار کرن جوہر اداکاری کے میدان میں ناکامی کے بعد گلوکار بن گئے۔

بالی ووڈ ہدایتکار کرن جوہر کانام کسی تعارف کا محتاج نہیں اور وہ بھارتی فلم نگری میں ممتاز مقام رکھتے ہیں جب کہ کرن ڈائریکشن میں نام کمانے کے باوجودمیزبانی، اداکاری اور رئیلٹی شوز میں جج کے فرائض سرانجام دیتے نظر آتے ہیں لیکن اب انہوں نے نئے میدان میں قدم رکھ دیا ہے۔

اس خبر کو بھی پڑھیں:فلم’’بمبئے ویلویٹ‘‘کی ناکامی نے کرن جوہر پراداکاری کے دروازے بند کردیئے

کرن جوہر نے اداکاری میں ناکامی کے بعد گلوکاری کے میدان میں قدم رکھ دیا ہے اور میوزک ڈائریکٹرشیکھر راوجیانی کے لیے اپنی آواز میں گیت ریکارڈ کرایا ہے۔ کرن جوہر نے خواب سچ ہونے کے ہیش ٹیگ کے ساتھ  اپنی ٹوئٹ میں موسیقار شیکھر کا شکریہ ادا کرتے ہوئے کہا کہ آپ کے ساتھ گیت گانا میرے لیے کسی اعزاز سے کم نہیں ہے اور مجھے امید ہے کہ لمبے عرصے تک گانے گاتا رہوں گا۔

Thank you Shekhar sir! Singing for you was an honour…I hope this leads to a long innings as a playback singer ….for me! #dreamcometrue https://t.co/c1v47ug6j6

— Karan Johar (@karanjohar) March 23, 2017

واضح رہے کہ کرن جوہر نے فلم ’’بمبئی ویلویٹ‘‘ میں اداکاری کے جوہر دکھائے تھے اور فلم باکس آفس پر بری طرح ناکام ہوگئی تھی۔