- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
امریکا اور برطانیہ میں الیکٹرانک آلات لانے پرعائد پابندی پرعملدرآمد شروع
دبئی: امریکا اور برطانیہ جانے والی پروازوں میں مسافروں کو سامان میں لیپ ٹاپ، ٹیبلٹس اور ڈی وی ڈی پلئیرز لانے پرعائد پابندی پرعمل درآمد شروع ہوگیا ہے۔
غیرملکی خبررساں ادارے کے مطابق چند روز قبل امریکا نے 8 اور برطانیہ نے 6 مسلم ممالک کے مسافروں پر اپنے ملکوں میں موبائل کے علاوہ کسی اور الیکٹرانک ڈیوائس لانے پر پابندی عائد کی تھی جس پر ایئرلائنز نے باقاعدہ طور پر عملدرآمد شروع کردیا۔ حکام کا کہنا ہے کہ اسمارٹ فون سے زیادہ بڑے الیکٹرانک آلات دوران سفر اپنے ساتھ نہیں رکھ سکیں گے اور ایئرپورٹ پر سامان کی جانچ پڑتال کے بعد ہی مسافروں کو کلئیرنس دی جائے گی۔
اس خبر کو بھی پڑھیں: امریکا نے 8 اور برطانیہ نے 6 مسلم ممالک کے مسافروں پر نئی پابندی لگا دی
برطانیہ کی جانب سے عائد کردہ پابندی کے مطابق مسافر ایسا کوئی برقی آلہ جس کی لمبائی 6 اعشاریہ 6 انچ اور چوڑائی 3 اعشاریہ 7 انچ سے زیادہ ہو تو وہ اپنے ساتھ رکھنے کا مجاز نہیں ہوگا جسے مدنظر رکھتے ہوئے اتحاد ایئرویز نے مسافروں کو ہدایت کی ہے کہ لیپ ٹاپ، ٹیبلیٹس، آئی پیڈ، گیمنگ ڈیوائسز، کیمرا، ای ریڈر اور یہاں تک کہ اضافی بیٹری بھی سامان میں رکھنے کی اجازت نہیں ہوگی۔ متحدہ عرب امارت کی ایمرٹس ایئرلائن کا کہنا ہے کہ مسافر جہاز میں سوار ہونے سے پہلے تک الیکٹرانکس آلات استعمال کرسکیں گے لیکن ایسے مسافر جنھیں اپنی منزل تک پہنچنے کے لیے فلائٹ تبدیل کرنی پڑتی ہے وہ اپنے سفر کے دوسرے حصے میں الیکٹرانک آلات تک رسائی حاصل نہیں کرسکتے۔
امریکا نے جن مسلم ممالک کے مسافروں پر پابندی عائد کی تھی ان میں سعودی عرب، مصر، ترکی، کویت، قطر،مراکش، متحدہ عرب امارات اور اردن شامل ہیں جب کہ برطانیہ کی جانب سے عائد کردہ پابندی کی زد میں آنے والے ممالک میں سعودی عرب، ترکی، لبنان، اردن، مصر اور تیونس شامل ہیں۔
جن ہوائی اڈوں سے امریکا جانے والی پروازوں پر پابندی عائد کی گئی ہے ان میں اردن کے دارالحکومت اومان کا کوئین عالیہ انٹرنیشنل ایئرپورٹ، مصر کا قاہرہ انٹرنیشنل ایئرپورٹ، ترکی کا اتاترک ایئرپورٹ استنبول، سعودی عرب میں جدہ کا کنگ عبداللہ انٹرنیشنل ایئرپورٹ، ریاض کا کنگ خالد انٹرنیشنل ایئرپورٹ، کویت انٹرنیشنل ایئر پورٹ، مراکش کا محمد پنجم انٹرنیشنل ایئرپورٹ، قطر کا حماد انٹرنیشنل دوحا، دبئی انٹرنیشنل ایئرپورٹ اور ابوظہبی کا انٹرنیشنل ایئرپورٹ شامل ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔