پیٹرول کی قیمت میں ایک بار پھر اضافے کی سمری وزارت پیٹرولیم کو ارسال

حکومت نے پیٹرول اور ڈیزل کی  قیمت میں ایک روپے فی لیٹر کا اضافہ کیا ہے، فوٹو؛ فائل

---

پیٹرولیم مصنوعات کی قیمتوں میں ایک بار پھر اضافے کا امکان ظاہر کیا جارہا ہے جب کہ پیٹرول اور ڈیزل کی قیمت میں 2 روپے فی لیٹر اضافے کی سفارش کی گئی ہے۔

ایکسپریس نیوز کے مطابق پیٹرولیم مصنوعات کی قیمتوں میں مسلسل چار بار اضافے کے بعد اوگرا نے ایک بار پھر وزارت پیٹرولیم کو قیمتوں میں اضافے کی سمری ارسال کی ہے جس میں پیٹرول اورڈیزل کی قیمت میں 2 روپے جب کہ لائٹ ڈیزل کی قیمت میں 7 روپے 75 پیسے فی لیٹر اضافے کی سفارش کی گئی ہے،سمری میں مٹی کے تیل کی قیمت میں بھی 13 روپے فی لیٹر اضافے سفارش کی گئی ہے۔

اس خبر کو بھی پڑھیں؛ حکومت نے پیٹرول کی قیمت میں مسلسل چوتھی بار اضافہ کردیا

واضح رہے گزشتہ ماہ حکومت کی جانب سے پیٹرول کی قیمت میں ایک روپے 71 پیسے جب کہ ڈیزل کی قیمت میں ایک روپے 52 پیسے فی لیٹر اضافہ کیا گیا تھا۔