- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
میڈاس پرائیویٹ لمیٹڈ سیلزٹیکس کی بھی چور نکلی
لاہور: آڈیٹر جنرل کی خصوصی آڈٹ ٹیم کی تیار کردہ دستاویز سے انکشاف ہوا ہے کہ 63کروڑ روپے کی خوردبرد میں ملوث ایڈورٹائزمنٹ کمپنی میڈاس پرائیویٹ لمیٹڈ کئی مواقع پر سیلزٹیکس کی چوری میں بھی ملوث رہی ہے۔
ایکسپریس ٹربیون کے ایک رپورٹر سمیت سنیئر صحافیوں حامد میر اور ابصار عالم کی رٹ کے جواب میں ایف بی آر کی طرف سے سپریم کورٹ میں داخل کرائی گئی رپورٹ سے پتہ چلتا ہے کہ میڈاس پرائیویٹ لمیٹڈ نے محکمہ تعلقات عامہ پنجاب کی طرف سے 137.387ملین کی ادائیگی کے باوجود جولائی2007سے جنوری2008 کے دوران صرف26ہزار199روپے سیلزٹیکس جمع کرایا۔ میڈاس پرائیویٹ لمیٹڈ کے ٹیکس ریٹرن کی جانچ پڑتال کے بعد تیار کیے گئے ایف بی آر کے ریکارڈ سے انکشاف ہوتا ہے کہ میڈاس کمپنی جولائی اور اکتوبر 2007کے درمیان ایک پائی سیلزٹیکس بھی جمع کرانے میں ناکام رہی جبکہ نومبر2011میں 15ہزار651روپے اور دسمبر2007 میں 10 ہزار 548 جمع کرائے گئے۔
جنوری2008میں کوئی سیلزٹیکس جمع نہیں کرایا گیا۔ اسی طرح ایف بی آر کی طرف سے کمشنر ان لینڈ ریونیو کی تیار کردہ رپورٹ بھی جمع کرائی گئی ہے۔ ’’دستاویزی فلموں کی تیاری کیلئے جی ایس ٹی کی مد میں 16.997ملین کی بوگس ادائیگی‘‘ کے عنوان سے اس رپورٹ میں میڈاس پرائیویٹ لمیٹڈ کے بعض دیگر فراڈ کا بھی پتہ چلا ہے۔ رپورٹ میں بتایا گیا ہے کہ ڈی جی پی آر نے مارچ2007سے جنوری 2008 کے درمیان اشتہاری بلوں کی ادائیگی کیلیے 15فیصد جی ایس ٹی کی مد میں میڈاس پرائیویٹ لمیٹڈ کو137.387روپے ادا کئے لیکن یہ رقم حکومتی خزانے میں کبھی جمع نہیں کرائی گئی۔
اس بارے میں پنجاب حکومت کی معلومات اتنی نامکمل اور ناکافی تھیں کہ ایف بی آر کوئی کارروائی شروع نہیں کرسکتا تھا۔ ڈی جی پی آر نے میڈاس پرائیویٹ لمیٹڈ کے بلوں اور سیلزٹیکس انوائسز سے متعلق جزوی ریکارڈ 24ستمبر 2007 اور30جنوری2008کے درمیان فراہم کیا جس کی جانچ پڑتال سے انکشاف ہوا کہ پنجاب حکومت نے میڈاس کو ادائیگیوں کے دوران سیلزٹیکس قانون کے تحت ضروری سیلزٹیکس کی مد میں 1/5 کٹوتی بھی نہیں کی۔
ایف بی آر نے یہ جواب مسٹر جسٹس جواد ایس خواجہ کی سربراہی میں سپریم کورٹ کے دورکنی بینچ کے حکم پر جمع کرایا ہے ۔ اس کے برعکس انٹی کرپشن اسٹیبلشمنٹ پنجاب نے ابھی تک فراڈ کے مرکزی کردار میڈاس پرائیویٹ لمیٹڈ کے چیف ایگزیکٹو انعام اکبر، سابق ڈی جی پی آر فرخ شاہ اور سابق ڈائریکٹر کوآرڈینیشن(ڈی جی پی آر) میں سے کسی ملزم کو گرفتار نہیں کیا۔ کیس سے متعلقہ ذرائع نے ایکسپریس ٹربیون کو بتایا کہ ای سی ایل میں نام شامل ہونے کے باوجود انعام اکبر اور عبدالمجید شاہد بیرون ملک فرار ہوچکے ہیں۔ انٹی کرپشن اسٹیبلشمنٹ پنجاب ابھی تک خوردبرد کی گئی رقم برآمد کرسکی ہے نہ ملزموں کے اثاثے ضبط کئے جاسکے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔