ضمنی انتخابات: الیکشن کمیشن نے وزیراعظم، وزراکوانتخابی حلقوں کا دورہ کرنے سے روک دیا

ویب ڈیسک  جمعـء 18 جنوری 2013
ضابطہ اخلاق کی خلاف ورزی کرنے والی سیاسی جماعتوں کے خلاف سخت کارروائی کی جائے گی، الیکشن کمیشن فوٹو : فائل

ضابطہ اخلاق کی خلاف ورزی کرنے والی سیاسی جماعتوں کے خلاف سخت کارروائی کی جائے گی، الیکشن کمیشن فوٹو : فائل

اسلام آ باد: الیکشن کمیشن نے سندھ اور پنجاب کے مختلف علاقوں میں ضمنی انتخابات کے لئے ضابطہ اخلاق کی پابندی کے احکامات جاری کردیئے

الیکشن کمیشن نے ہدایت جاری کی ہے کہ کوئی سیاسی جماعت یا امیدوار انتخابات میں کسی بھی قسم کے فوائد حاصل کرنے کی غرض سے ریاستی وسائل کا غلط استعمال کرنے سے گریز کرے۔ الیکشن کمیشن نے اس حوالے سے وزیر اعظم، وفاقی وزرا اور مشیروں کو انتخابی حلقوں کا دورہ کرنے سے بھی روک دیا ہے۔

الیکشن کمیشن کے مطابق ضابطہ اخلاق کی خلاف ورزی کرنے والی سیاسی جماعتوں کے خلاف سخت کارروائی کی جائے گی۔

واضح رہے کہ سندھ کے 6 اور پنجاب کے ایک حلقے میں ضمنی  انتخابات 18 جنوری کو منعقد ہوں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔