- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ کو مسترد کردیا
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
- چوتھا ٹی ٹوئنٹی: پاکستان کا نیوزی لینڈ کے خلاف ٹاس جیت کر فیلڈنگ کا فیصلہ
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
عالمی رسوائی کے بعد بھارت جھینپ مٹانے کا بہانہ ڈھونڈنے لگا
ممبئی: عالمی رسوائی کے بعد اب بھارت جھینپ مٹانے کا بہانہ ڈھونڈنے لگا ہے۔
بھارتی کرکٹ بورڈ کو آئی سی سی کے محاذ پر ریونیو شیئر اور اصلاحات کے حوالے سے شکست کا سامنا کرنا پڑا، ان میٹنگز میں شرکت سے قبل ہی میڈیا کے ذریعے بی سی سی آئی نے چیمپئنز ٹرافی کے بائیکاٹ کی دھمکیاں دینا شروع کردی تھیں،اس کے باوجود دیگر کرکٹ بورڈز نے بھارتی من مانیوں کے آگے ہتھیار ڈالنے سے صاف انکار کردیا، اس رسوائی کے بعد اب بھارت جھینپ مٹانے کیلیے بہانوں کی تلاش میں ہے۔
بھارتی بورڈ کی جانب سے ایک بارپھر خصوصی جنرل اجلاس 14 دن کے نوٹس پر طلب کیا گیا ہے، اس میں آئی سی سی میٹنگز کے بعد کی صورتحال پر غور سمیت چیمپئنز ٹرافی کے بائیکاٹ یا دیگر کسی اقدام کے بارے میں فیصلہ کیا جائے گا۔ بظاہر ایسا دکھائی دیتا ہے کہ کوئی بھی انتہائی فیصلہ لینے کیلیے بورڈ حکام اور سپریم کورٹ کی مقرر کردہ کمیٹی آف ایڈمنسٹریٹرز ایک دوسرے پر ذمہ داری ڈالنا چاہتے ہیں۔
ایڈمنسٹریٹرز کمیٹی کے چیئرمین ونود رائے کا کہنا ہے کہ آئی سی سی میٹنگزسے ہونے والی بی سی سی آئی جنرل میٹنگ کے بعد ہم نے بھی ایک اجلاس بلایا تھا، اس میںامیتابھ چوہدری تو شریک ہوئے مگر بورڈ کے خازن انیرودھ چوہدری نے شرکت نہیں کی، بورڈ کو اب دوبارہ جنرل میٹنگ بلاکر اس بارے میں فیصلہ کرنا چاہیے۔
دوسری جانب ایک سینئرکرکٹ ایڈمنسٹریٹر کا کہنا ہے کہ بدھ تک چیمپئنز ٹرافی کے بائیکاٹ کی تجویز قابل عمل نہیں تھی لیکن 24 گھنٹے میں بہت کچھ ہوچکا، آئی سی سی نے بی سی سی آئی کے ساتھ کیے جانے والے معاہدے کی خلاف ورزی کردی،اس لیے اب ٹورنامنٹ کا بائیکاٹ کرکے دیکھنا چاہیے کہ آگے کیا ہوتا ہے۔ ایک اور آفیشل نے کہاکہ گیند اب ونود رائے کے کورٹ میں ہے، ہمیں امید ہے کہ وہ بھی جنرل میٹنگ میں شریک ہوں گے اور اس بارے میں ایک واضح فیصلہ لیا جائے گا جبکہ ایک اور آفیشل کا اس صورتحال پر کہنا تھا کہ اب یا تو بھارتی کرکٹ بورڈ ممبرز شراکت معاہدے سے دستبردار ہوجائے یا پھر نئے ورلڈ آرڈر کو قبول کرلے۔
واضح رہے کہ اگربی سی سی آئی ممبرزچیمپئنز ٹرافی کے بائیکاٹ کا فیصلہ کرتے ہیں تو پھر اضافی نقصان برداشت کرنا پڑسکتا ہے،اس صورت میں آئی سی سی کی جانب سے اپنے ممبران کو بھارت سے باہمی سیریز نہ کھیلنے اور اپنے کھلاڑیوں کو آئی پی ایل کیلیے دستیابی سے روکنے کا حکم جاری کیا جا سکتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔