- دبئی میں بارشیں؛ قومی کرکٹرز بھی ائیرپورٹ پر محصور ہوکر رہ گئے
- فیض آباد دھرنا: ٹی ایل پی سے معاہدہ پہلے ہوا وزیراعظم خاقان عباسی کو بعد میں دکھایا گیا، احسن اقبال
- کوئٹہ کراچی شاہراہ پر مسافر بس کو حادثہ، دو افراد جاں بحق اور 21 زخمی
- راولپنڈی؛ نازیبا و فحش حرکات کرکے خاتون کو ہراساں کرنے والا ملزم گرفتار
- حج فلائٹ آپریشن کا آغاز 9 مئی سے ہوگا
- کیویز کیخلاف سیریز سے قبل اعظم خان کو انجری نے گھیر لیا
- بجلی صارفین پرمزید بوجھ ڈالنے کی تیاری،قیمت میں 2 روپے94 پیسے اضافے کی درخواست
- اسرائیل کی رفح پر بمباری میں 5 بچوں سمیت11 افراد شہید؛ متعدد زخمی
- ٹرین سےگرنے والی خاتون کی موت،کانسٹیبل کا ملوث ہونا ثابت نہ ہوسکا، رپورٹ
- 'ایک ساتھ ہمارا پہلا میچ' علی یونس نے اہلیہ کیساتھ تصویر شیئر کردی
- بجلی چوری کارخانہ دار کرتا ہے عام صارف نہیں، پشاور ہائیکورٹ
- عدلیہ میں مداخلت کیخلاف اسلام آباد ہائیکورٹ بار کا سپریم کورٹ سے رجوع
- مہنگائی کے دباؤ میں کمی آئی اور شرح مبادلہ مستحکم ہے، وزیر خزانہ
- پی ٹی آئی کی جلسوں کی درخواست پر ڈی سی لاہور کو فیصلہ کرنے کا حکم
- بابراعظم سوشل میڈیا پر شاہین سے اختلافات کی خبروں پر "حیران"
- پنجاب اسمبلی سے چھلانگ لگاکر ملازم کی خودکشی کی کوشش
- 9 مئی کے ذمے دار آج ملکی مفاد پر حملہ کر رہے ہیں، وزیراطلاعات
- کراچی میں تیز بارش کا امکان ختم، سسٹم پنجاب اور کےپی کیطرف منتقل
- ’’کرکٹرز پر کوئی سختی نہیں کی! ڈریسنگ روم میں سونے سے روکا‘‘
- وزیرداخلہ کا غیرموثر، زائد المیعاد شناختی کارڈز پر جاری سمزبند کرنے کا حکم
سلواوور ریٹ : پروٹیز قائد ڈی ویلیئرز دو میچز کیلیے معطل
پرل: سلو اوور ریٹ کے جرم میں جنوبی افریقی کپتان ابراہم ڈی ویلیئرز پر دو میچز کی پابندی عائد کردی گئی۔مقررہ وقت سے 6 اوورز پیچھے رہ کر اپنے ساتھی کھلاڑیوں کی بھی جیبیں خالی کرادیں، پوری میچ فیس جرمانہ کردی گئی، نیوزی لینڈ کے خلاف باقی دو میچز میں فاف ڈوپلیسس ٹیم کی قیادت کریں گے۔
تفصیلات کے مطابق نیوزی لینڈ کے خلاف پہلے ون ڈے میں جہاں جنوبی افریقہ کو ایک وکٹ سے شکست کا سامنا کرنا پڑا وہیں وہ اپنے محدود اوورز کے کپتان ابراہم ڈی ویلیئرز کی خدمات سے بھی محروم ہوگیا ہے، سلو اوورز کی پاداش میں ان پر دو میچز کی پابندی عائد کردی گئی ہے۔ میچ ریفری ڈیوڈ بون نے جنوبی افریقہ کو مقررہ وقت سے 6 اوورز پیچھے قرار دیا جوکہ ایک سنگین جرم ہے۔
آئی سی سی کوڈ آف کنڈکٹ کے تحت دو اوورز سے زیادہ پیچھے رہنا سنگین جرم کے زمرے میں آتا اور اس پر کپتان کو دو معطلی کے پوائنٹس ملتے ہیں جبکہ باقی ٹیم کو پہلے دو اوورز پر 10 فیصد جبکہ اس کے بعد ہر پیچھے رہنے والے اوور پر 20 فیصد میچ فیس جرمانہ ہوتی ہے۔ اس طرح ابراہم ڈی ویلیئرز پر دو میچز کی پابندی عائد کردی گئی جبکہ باقی کھلاڑیوں کو مکمل میچ فیس سے ہی محروم ہونا پڑا۔
ابراہم ڈی ویلیئرز نے سزا قبول کرلی ہے۔ اب ان کی جگہ ٹیم کی قیادت فاف ڈو پلیسس کریں گے جوکہ اس سے قبل نیوزی لینڈ ہی کے خلاف ٹوئنٹی 20 میچز میں بھی یہ فریضہ انجام دے چکے ہیں جبکہ ڈولفنز کے بیٹسمین ڈیوڈ ملر کو بھی ٹیم کا حصہ بنایا گیا ہے۔ ٹیم منیجر محمد موسیٰ جی کا کہنا ہے کہ ہم اس بات کو تسلیم کرتے ہیں کہ اوور ریٹ سلو تھا جبکہ دو سلو اوورز سے اوپر ملنے والی سخت سزا سے بھی واقف ہیں۔ موسیٰ جی نے واضح کیا کہ بولنگ میں تاخیر کی کئی وجوہات ہیں تاہم انھوں نے دوران میچ بجلی جانے کا ذکر نہیں کیا جس کی وجہ سے اسکور بورڈ اور دیگر چیزوں نے کام چھوڑ دیا تھا اس سے بھی کھیل کی رفتار سست پڑی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔