- ڈکیتی کے ملزمان سے رشوت لینے کا معاملہ؛ ایس ایچ او، چوکی انچارج گرفتار
- کراچی؛ ڈاکو دکاندار سے ایک کروڑ روپے نقد اور موبائل فونز چھین کر فرار
- پنجاب پولیس کا امریکا میں مقیم شہباز گِل کیخلاف کارروائی کا فیصلہ
- سنہری درانتی سے گندم کی فصل کی کٹائی؛ مریم نواز پر کڑی تنقید
- نیویارک ٹائمز کی اپنے صحافیوں کو الفاظ ’نسل کشی‘،’فلسطین‘ استعمال نہ کرنے کی ہدایت
- پنجاب کے مختلف شہروں میں ضمنی انتخابات؛ دفعہ 144 کا نفاذ
- آرمی چیف سے ترکیہ کے چیف آف جنرل اسٹاف کی ملاقات، دفاعی تعاون پر تبادلہ خیال
- مینڈھے کی ٹکر سے معمر میاں بیوی ہلاک
- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی ٹوئنٹی بارش کی نذر ہوگیا
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- تعصبات کے باوجود بالی وڈ میں باصلاحیت فنکار کو کام ملتا ہے، ودیا بالن
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت؛ انکوائری رپورٹ میں سابق ایس پی کلفٹن قصور وار قرار
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
کراچی میں کثیرالمنزلہ عمارت میں لگی آگ کئی گھنٹے بعد بھی بے قابو
کراچی: آئی آئی چندریگرروڈ پر واقع کثیرالمنزلہ عمارت میں لگنے والی آگ پر کئی گھنٹے گزر جانے کے بعد بھی قابو نہیں پایا جاسکا۔
ایکسپریس نیوز کے مطابق ہفتے کی علی الصبح ساڑھے 5 بجے کراچی کی مصروف ترین کاروباری شاہراہ آئی آئی چندریگر روڈ پر واقع کثیرالمنزلہ عمارت کی 16ویں منزل پر واقع ایک دفتر میں آگ بھڑک اٹھی، فائر بریگیڈ عملے کے پاس مطلوبہ اونچائی تک رسائی کے لیے اسنارکل ہی نہیں تھی جس کی وجہ سے آگ نے دیکھتے ہی دیکھتے عمارت کی 17ویں، 18ویں اور 19ویں منزل کو بھی اپنی لپیٹ میں لے لیا۔
اس خبرکوبھی پڑھیں:لانڈھی کی فیکٹری میں آگ لگ گئی
فائربریگیڈ حکام نے صورت حال کو دیکھتے ہوئے اسے تیسرے درجےکی آگ قرار دے دیا ہے، فائربریگیڈ کے پاس موجود اسنارکل کی اونچائی کم ہونے کی وجہ سے آگ پر قابو پانے میں مشکلات کا سامنا کرنا پڑ رہا ہے۔ شہر کے تمام فائراسٹیشنز سے فائرٹینڈرز طلب کرلیے گئے ہیں۔ اس کے علاوہ کے پی ٹی اور نیوی کے فائر ٹینڈرز بھی الرٹ ہیں۔
چیف فائر آفیسرتحسین احمد نے میڈیا سے گفتگو کرتے ہوئے کہا کہ عمارت میں آگ شارٹ سرکٹ کے باعث لگی، جس نے دیکھتے ہی دیکھتے دیگر منزلوں کو اپنی لپیٹ میں لے لیا۔ واقعے کے وقت عمارت میں موجود تمام لوگوں کو بحفاظت نکال لیا گیا ہے۔
دوسری جانب میئر کراچی وسیم اختر نے جائے وقوعہ پر صورت حال کا جائزہ لینے کے بعد میڈیا سے بات کرتے ہوئے صوبائی حکومت کو شدید تنقید کا نشانہ بنایا، انہوں نے کہا کہ 8سال میں محکموں کاستیاناس ہوگیا، پورے کراچی میں عمارتوں کا انبار لگادیا ہے، 8 سال میں فائر بریگیڈ کے لیے نئے آلات نہیں خریدے گئے، آگ سے متاثرہ عمارت میں فائر ایگزٹ نہیں ہے، اس صورت حال پر صوبائی حکومت کو شرم آنی چاہیے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔