- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
2013 ء : سیکوئلز، سپرہیروز اور ایکشن فلموں کا سال
2012ء میں ہالی وڈ کے فلم سازوں کی زیادہ توجہ ماضی کی کام یاب فلموں کے ری میک، سیکوئل اور کامک کرداروں کو فلمی قالب میں ڈھالنے پر مرکوز رہی۔
ان میں سے بالخصوص سائنس فکشن فلموں کے ری میک، کامک بُکس پر مبنی، اور ایکشن فلمیں بے حد کام یاب رہی تھیں۔ اسی لیے رواں برس بھی ہالی وڈ کی فلم نگری میں یہ رجحان موجود و برقرار رہے گا۔ ذیل کی سطور میں ہم مذکورہ بالا اقسام سے تعلق رکھنے والی ان چند فلموں کا تذکرہ کررہے ہیں جن کی ریلیز کا شائقین کو شدت سے انتظار ہے۔
300:Rise of an Empire
یہ فلم 2007ء میں ریلیز ہونے والی ایکشن فلم 300 کا سیکوئل ہے۔ یہ فلم 480 قبل مسیح میں یونانی اور ایرانی فوجوں کے درمیان ہونے والی جنگ ترموپیل کے پس منظر میں بنائی گئی تھی۔ اس فلم کے مرکزی اداکاروں میںجیرارڈ باٹلر، لینا ہیڈے اور روڈریگو سانتورو شامل تھے۔ جیرارڈ باٹلر نے اس فلم میں یونانی ریاست سپارٹا کے بادشاہ لوئنیڈاس اور روڈریگو نے شہنشاہ ایران خشیارشا اول کا کردار ادا کیا تھا۔ اس سپرہٹ فلم نے جہاں اپنے پروڈیوسر کو مالا مال کیا وہیں مرکزی اداکاروں کو بھی عالمی شہرت بخشی تھی، تاہم اس فلم کے سیکوئل میں جیرارڈ باٹلر شامل نہیں، البتہ روڈریگو کا کردار موجود ہے۔ یہ فلم تکمیل کے قریب ہے اور اگست میں تھری ڈی اور آئی میکس تھری ڈی فارمیٹ میں ریلیز کی جائے گی۔ 300 کے ڈائریکٹر Zack Snyder تھے لیکن 300:Rise of an Empire کی ہدایات Noam Murro نے دی ہیں۔
Iron Man 3
Iron Man بھی ہالی وڈ کی مقبول ترین ایکشن فلم سیریز میں سے ایک ہے۔ اس سلسلے کی ابتدائی دو فلموں کی طرح Iron Man 3 میں بھی سپرہیرو’’ آئرن مین‘‘ کا رول رابرٹ ڈاؤنی جونیئر نے ادا کیا ہے۔ دیگر اداکاروں میں گوئینتھ پالٹرو، ڈون چیڈل، ریبیکا ہال اوربین کنگسلے شامل ہیں۔ فلم میں آئرن مین اپنی ہر شے سے محروم ہوجاتا ہے اور اس کا مقابلہ ایک طاقت ور دشمن ، مینڈارن سے ہوتا ہے۔ مینڈارن کا رول آسکر اعزاز یافتہ اداکار بین کنگسلے نے ادا کیا ہے۔ والٹ ڈز نی نے اس فلم کی ریلیز کی تاریخ 26 اپریل مقرر کی ہے۔
A Good Day To Die Hard
Die Hard ہالی وڈ کی مقبول ترین ایکشن فلم سیریز میں سے ایک ہے۔ اس سلسلے کی پہلی فلم 1988ء میں نمائش کے لیے پیش کی گئی تھی۔ اس سیریز کا ہیرو نیویارک پولیس کا ایک سراغ رساں، جان میکلین ہے جس کا سابقہ، ہر فلم میں دہشت گردوں سے پڑتا ہے۔ ابتدائی چار فلموں میں یہ کردار بروس ولس نے نبھایا تھا اور پانچویں فلم میں بھی بروس کے پرستار انھیں اسی رول میں دیکھیں گے۔ A Good Day to Die Hard میں بھی بروس ولس دنیا کو بچانے کے لیے روس میںدہشت گردوں کا مقابلہ کرتے نظر آئیں گے۔ یہ فلم آئندہ ماہ ریلیز کی جارہی ہے۔ اس فلم کے ڈائریکٹر جان مور ہیں جن کے کریڈٹ پر بڑے بجٹ کی کئی بڑی فلمیں ہیں۔
Man of Steel
کامک کرداروں میں غالباً سُپرمین سب سے زیادہ مقبول کردار ہے۔ اس کردار کی فلمیں بھی بے پناہ کام یاب رہی ہیں۔ اس سلسلے کی آخری فلم 1987ء میں ریلیز ہوئی تھی۔ برسوںکے بعد اب سپرمین کے چاہنے والے اپنے پسندیدہ سپر ہیرو کو ایک بار پھر اور ایک نئے روپ میں سنیما اسکرین پر دیکھیں گے۔ وا رنر برادرز کی اس فلم میں جو جون کے وسط میں ریلیز ہوگی،ہینری کیول نے مقبول ترین سپرہیرو کا رول کیا ہے، جب کہ دیگر نمایاں اداکاروں میں ایمی ایڈمز، مائیکل شینن اور کیون کوسٹنر شامل ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔