آصف زرداری کا انتخابی اصلاحات کیلئے حکومت کو ایک ہفتے کا الٹی میٹم

پیپلز پارٹی کی غیر جمہوری قوتوں سے جنگ جاری رہے گی،شریک چیرمین پاکستان پیپلزپارٹی، فوٹو؛ پی پی آئی

---

سابق صدر آصف علی زرداری نے حکومت کو انتخابی اصلاحات کے لئے ایک ہفتے کا الٹی میٹم دے دیا ہے۔

پشاور میں پارٹی رہنماؤں سے خطاب کرتے ہوئے آصف زرداری کا کہنا تھا کہ جمہوریت کی خاطر آر او الیکشن قبول کیا لیکن اب جمہوری، غیر جانبدارانہ اور شفاف الیکشن چاہتے ہیں، الیکشن میں 8 یا 9 ماہ باقی رہ گئے ہیں اور اگر حکومت نے ایک ہفتے کے اندر انتخابی اصلاحات نہ کیں تو عدالت جائیں گے۔ ان کا کہنا تھا کہ پیپلز پارٹی کی غیر جمہوری قوتوں سے جنگ جاری رہے گی۔

اس خبر کو بھی پڑھیں: حکمران لاکھ کوشش کرلیں لیکن وہ بچ نہیں پائیں گے، آصف زرداری