- قومی ٹیم کی کپتانی! حتمی فیصلہ آج متوقع
- پی ایس 80 دادو کے ضمنی انتخاب میں پی پی امیدوار بلامقابلہ کامیاب
- کپتان کی تبدیلی کیلئے چیئرمین پی سی بی کی زیر صدارت اہم اجلاس
- پاکستان کو کم از کم 3سال کا نیا پروگرام درکار ہے، وزیر خزانہ
- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
- کپتان کی تبدیلی کے آثار مزید نمایاں ہونے لگے
- قیادت میں ممکنہ تبدیلی؛ بورڈ نے شاہین کو تاحال اعتماد میں نہیں لیا
- ایچ بی ایف سی کا چیلنجنگ معاشی ماحول میں ریکارڈ مالیاتی نتائج کا حصول
- اسپیشل عید ٹرینوں کے کرایوں میں کمی پر غور کر رہے ہیں، سی ای او ریلوے
- سول ایوی ایشن اتھارٹی سے 13ارب ٹیکس واجبات کی ریکوری
- سندھ میں 15 جیلوں کی مرمت کیلیے ایک ارب 30 کروڑ روپے کی منظوری
- پی آئی اے نجکاری، جلد عالمی مارکیٹ میں اشتہار شائع ہونگے
- صنعتوں، سروسز سیکٹر کی ناقص کارکردگی، معاشی ترقی کی شرح گر کر ایک فیصد ہو گئی
- جواہرات کے شعبے کو ترقی دیکر زرمبادلہ کما سکتے ہیں، صدر
- پاکستان کی سیکنڈری ایمرجنگ مارکیٹ حیثیت 6ماہ کے لیے برقرار
بھارت نے پی سی بی کو ہرجانہ ادا نہیں کیا توعدالت میں جائیں گے، نجم سیٹھی
لاہور: پاکستان کرکٹ بورڈ کی ایگزیکٹیو کمیٹی کے چیئرمین نجم سیٹھی کا کہنا ہے کہ اگر بھارت نے پی سی بی کو ہرجانہ ادا نہیں کیا تو اس کے خلاف انٹرنیشنل ٹریبونل میں جائیں گے۔
لاہورمیں پاکستان کرکٹ بورڈ کی تقریب سے خطاب کرتے ہوئے نجم سیٹھی نے کہا کہ بھارت نے پاکستان کیساتھ سیریز نہ کھیل کر معادہے کی خلاف ورزی کی ہے اور مد میں پاکستان کو تقریباً 70 ملین ڈالر کا نقصان اٹھانا پڑا ہے اور اس نقصان کا ازالہ بی سی سی آئی کو کرنا ہوگا۔29 مئی کو دبئی میں اس حوالے سے اجلاس ہورہا ہے جس میں دوطرفہ سیریز نہ کھیلنے کی وجہ سے پی سی بی کو ہونے والے نقصان پر بات کی جائے گی اور اگر معاملہ حل نہ ہوا تو ہم آئی سی سی سے مداخلت کی درخواست کریں گے اور تب بھی بات نہیں بنی تو ہم بھارت کے خلاف انٹرنیشنل ٹریبونل میں جائیں گے۔ یہ ہمارا حق ہے اور ہم اپنے حق سے کسی صورت دستبردار نہیں ہوں گے جب کہ بھارت سے کرکٹ کھیلنے کے حوالے سے مختلف تجاویز ہیں تاہم اس معاملے پر آئندہ دو ماہ میں تمام چیزیں واضح ہوجائیں گی۔
نجم سیٹھی کا کہنا تھا کہ پی ایس ایل کے دونوں ایڈیشن کامیاب رہے، مخالفین نے پاکستان میں پی ایس ایل کا فائنل نہ ہونے کی باتیں کیں اور کہا گیا کہ پاکستان میں پی ایس ایل کا انعقاد مشکل ہے، لیکن ہم نے پاکستان میں پی ایس ایل کا فائنل کر کے دکھایا جب کہ پی ایس ایل کے تیسرے ایڈیشن میں کوشش ہے کہ چار میچز کراچی اور چار میچ لاہور میں کرائے جائیں۔انٹرنیشنل ٹیموں کو بھی ملک میں لانے کی کوشش کررہے ہیں اوردسمبرمیں ایک بین الاقوامی ٹیم تین میچوں کی سیریزکھیلنے پاکستان آرہی ہے۔
اس خبر کو بھی پڑھیں:بھارتی کرکٹ بورڈ نے پی سی بی کا لیگل نوٹس مسترد کر دیا
انہوں نے کہا کہ ریجنل کرکٹ کے اندر پرائیویٹ سیکٹر کو آگے لایا جائے گا، کیونکہ جب تک ملک میں ریجنل کرکٹ مضبوط نہیں ہوگی، پاکستانی کرکٹ ترقی نہیں کر سکتی۔ ریجنل کرکٹ کے اندر ڈویلپمنٹ بجٹ کو بڑھانے کی ضرورت ہے ، اس سلسلے میں اقدامات کریں گے۔اس موقع پر انہوں نے چیئرمین کرکٹ بورڈ شہریارخان کو خراج تحسین پیش کرتے ہوئے کہا کہ پاکستان میں کرکٹ کے لیئے ان کی خدمات ہمیشہ یاد رکھی جائیں گی۔
واضح رہے کہ نجم سیٹھی کی سربراہی میں کام کرنے والی پی سی بی نے آئی سی سی میں ”بگ تھری“ کی حمایت کا فیصلہ کیا تو بدلے میں بھارت کے ساتھ معاہدے پر دستخط کیے گئے، اس کے تحت 2014 سے 2023 تک دونوں ملکوں کے درمیان 6 دو طرفہ سیریز طے پائیں، اس دوران دونوں ملکوں کے سیاسی تعلقات اور سرحدوں پر کشیدگی پیدا ہونا شروع ہوگئی جس کے بعد بھارتی بورڈ اپنی حکومت سے اجازت نہ ملنے کا جواز پیش کرتے ہوئے سیریز کھیلنے سے مسلسل انکار کرتا رہا ہے جس کے جواب میں پی سی بی نے باہمی سیریز نہ کھیلنے پر بھارتی بورڈ کو 64 ملین ڈالر کے نقصان کا ازالہ کرنے کیلیے لیگل نوٹس جاری کیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔