پاکستانی کھلاڑی نے ایک روزہ کرکٹ میں ٹرپل سنچری داغ کر تاریخ رقم کردی  

 لاہور: پاکستانی کھلاڑی بلال ارشاد نے ایک روزہ ڈومیسٹک میچ میں ٹرپل سنچری داغ کر نئی تاریخ رقم کردی۔

فضل محمود نیشنل کلب کرکٹ چیمپئن شپ میں 26 سالہ پاکستانی کھلاڑی بلال ارشاد ایک روزہ کرکٹ میں ٹرپل سنچری بنا کر پاکستان کے پہلے کھلاڑی بن گئے ہیں۔ اوپنر بلال ارشاد نے شہید عالم بخش کرکٹ کلب کی جانب سے الرحمان کلب کے خلاف 175 گیندوں پر 42 چوکوں اور 9 چھکوں سمیت 320 رنز کی ناقابل شکست اننگز کھیلی جب کہ مجموعی طور پر بلال ارشاد کی ٹیم نے مقررہ 50 اوورز میں صرف 2 وکٹ پر 556 رنز بنائے جس کے  جواب میں الرحمان کلب کی ٹیم 32 اوورز میں 145 رنز پر پویلین لوٹ گئی۔

Kudos to Bilal Irshad who just became the first triple centurion of Fazal Mahmood National Club Cricket Championship by scoring 320 runs pic.twitter.com/3OYLbMmgim

— PCB Official (@TheRealPCB) May 24, 2017

دوسری جانب سماجی رابطے کی ویب سائٹ ٹویٹر پر پاکستان کرکٹ بورڈ نے بلال ارشاد کو ٹرپل سنچری بنانے پر مبارک باد دی۔