- اسلام آباد ہائیکورٹ نے پی ٹی آئی رہنما کو عمرے پرجانے کی اجازت دے دی
- وزیر اعظم نے مشترکہ مفادات کونسل کی تشکیل نو کر دی
- پنجاب گرمی کی لپیٹ میں، آج اور کل گرج چمک کیساتھ بارش کا امکان
- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
- وزیراعلیٰ پنجاب نے نوازشریف کسان کارڈ کی منظوری دے دی
- بھارتی فوجی نے کلکتہ ایئرپورٹ پر خود کو گولی مار کر خودکشی کرلی
- چائلڈ میرج اور تعلیم کا حق
- بلوچستان؛ ایف آئی اے کا کریک ڈاؤن، بڑی تعداد میں جعلی ادویات برآمد
- قومی ٹیم کی کپتانی! حتمی فیصلہ آج متوقع
- پی ایس 80 دادو کے ضمنی انتخاب میں پی پی امیدوار بلامقابلہ کامیاب
- کپتان کی تبدیلی کیلئے چیئرمین پی سی بی کی زیر صدارت اہم اجلاس
- پاکستان کو کم از کم 3 سال کا نیا آئی ایم ایف پروگرام درکار ہے، وزیر خزانہ
- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
- کپتان کی تبدیلی کے آثار مزید نمایاں ہونے لگے
ایل او سی، بھارتی فائرنگ، 2 شہری شہید، 4 زخمی، پاک فوج کا موثر جواب
اسلام آباد: لائن آف کنٹرول پر بھارتی فوج کی ایک بار پھر بلااشتعال فائرنگ سے2 شہری شہید اور خواتین سمیت 4 زخمی ہوگئے جبکہ پاک فوج نے بھرپور جواب دیتے ہوئے بھارتی فوج کی چوکیوں کو نشانہ بنایا ہے اور بھارتی ڈپٹی ہائی کمشنر کو دفتر خارجہ طلب کرکے شدید احتجاج ریکارڈ کرایا گیا ہے۔
پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے جمعرات کی صبح لائن آف کنٹرول کے پونچھ سیکٹر کے علاقوں منڈھول، ناکر، لچیال، ککوٹہ اور درہ شیرخان میں سول آبادی پر بھاری ہتھیاروں سے فائرنگ کی جس کے نتیجے میں ہجیرہ کے نواحی گاؤں ککوٹہ میں 22 سالہ گلعاز احمد ولد محمد رشید اور درہ شیرخان کا 60 سالہ بزرگ فضل احمد ولد فیض احمد شہید ہوگئے، بٹل، جندروٹ اور تتہ پانی سیکٹرز میں بھی بھارتی فوج نے سول آبادی کو بلااشتعال فائرنگ کا نشانہ بنایا جس کے نتیجے میں 2 خواتین سمیت 4 شہری زخمی ہوئے جن میں جمیل احمد ولد محمد سید، قاضی ضمیر ولد مقبول، جبین محبوب دختر محبوب اور طیبہ دختر حنیف شامل ہیں، پاک فوج نے بھارتی فوج کی فائرنگ کا بھرپور جواب دیا ہے اور ان کی چوکیوں کو نشانہ بنایا ہے، ڈپٹی کمشنر پونچھ راجا طاہر ممتاز کے مطابق زخمیوں کو طبی امداد کیلیے اسپتال منتقل کردیا گیا ہے۔
ادھر دفتر خارجہ کے ترجمان کے مطابق ڈائریکٹر جنرل (جنوبی ایشیا و سارک) ڈاکٹر محمد فیصل نے جمعرات کو بھارتی ڈپٹی ہائی کمشنر جے پی سنگھ کو دفتر خارجہ طلب کیا اور یکم جون کی صبح بھارتی قابض فورسز کی جانب سے لائن آف کنٹرول پر سیز فائر کی خلاف ورزی پر شدید احتجاج کیا۔
ترجمان دفتر خارجہ کے مطابق بھارتی ڈپٹی ہائی کمشنر کو احتجاجی مراسلہ بھی حوالے کیا گیا ہے جس میں کہا گیا ہے کہ سول آبادی کو نشانہ بنانا بین الاقوامی قوانین کی بھی خلاف ورزی ہے، بھارت 2003 کے فائر بندی معاہدے کی پاسداری کرے۔
دوسری جانب آزاد کشمیر کے وزیراعظم راجا فاروق حیدر نے بھارتی فائرنگ کی شدید مذمت کرتے ہوئے کہا ہے کہ بھارتی فوج نہتے معصوم افراد کو نشانہ بنا کر انسانی حقوق کی سنگین خلاف ورزیاں کر رہی ہے، عالمی برادری بھارتی فوج کی جانب سے لائن آف کنٹرول پر اشتعال انگیزی کا نوٹس لے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔