الیکشن کمیشن میں عمران خان نااہلی کی درخواستوں کی سماعت غیرمعینہ مدت تک ملتوی

ویب ڈیسک  پير 5 جون 2017

سپریم کورٹ میں بھی اسی نوعیت کی درخواستیں زیرسماعت ہیں،الیکشن کمیشن فوٹو: فائل

سپریم کورٹ میں بھی اسی نوعیت کی درخواستیں زیرسماعت ہیں،الیکشن کمیشن فوٹو: فائل

 اسلام آباد: الیکشن کمیشن نے عمران خان اور جہانگیر ترین کی نااہلی سے متعلق درخواستوں کی سماعت غیر معینہ مدت تک ملتوی کردی۔

چیف الیکشن کمشنرکی سربراہی میں پانچ رکنی بنچ نے عمران خان اور جہانگیر ترین کی نااہلی سے متعلق دائر درخواستوں کی سماعت کی۔ سماعت کے دوران عمران خان کے وکیل نعیم بخاری نے موقف اختیارکیا کہ الیکشن کمیشن کے علاوہ سپریم کورٹ میں بھی اسی نوعیت کی درخواستیں زیرسماعت ہیں ، اس لیے بہتر ہوگا کہ الیکشن کمیشن درخواستوں کی سماعت سپریم کورٹ کے فیصلے کے بعد کرے۔

چیف الیکشن کمشنرنے نعیم بخاری کی درخواست منظورکرتے ہوئے سماعت غیر معینہ مدت کے لیے ملتوی کردی، چیف الیکشن کمشنر نے کہا کہ سپریم کورٹ میں بھی اسی نوعیت کی درخواستیں زیرسماعت ہیں، سپریم کورٹ کے فیصلے کے بعد مقدمات کی سماعت کی جائے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔