- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
- کراچی میں سیشن جج کے بیٹے قتل کی تحقیقات مکمل،متقول کا دوست قصوروار قرار
- غزہ کے اسپتالوں میں اجتماعی قبروں نے اقوام متحدہ کو بھی خوفزدہ کردیا
- ایکس کی اسمارٹ ٹی وی ایپ متعارف کرانے کی تیاری
بصارت ٹھیک کرنے کے9 کارآمد اور آزمودہ طریقے
نظر کی کمزوری آج کل ہر امیر غریب اور خاص و عام کا مسئلہ بن چکی ہے۔ ویسے تو اس کے کئی اسباب ہو سکتے ہیں لیکن سب سے بڑی وجہ آنکھ کے پٹھوں کا کمزور ہو جانا بتائی جاتی ہے۔ یعنی اگر آپ آنکھوں کی کچھ ورزشیں کرتے رہیں تو آپ کی کمزور بصارت بہتر ہو جائے گی اور اگر آپ پہلے ہی سے بہتر بصارت رکھتے ہیں تو نظر تیز بھی ہو سکتی ہے۔
ذیل میں ایسے ہی کچھ طریقے دیئے جا رہے ہیں جن پر عمل کر کے آپ اپنی کمزور پڑتی نظر بہتر بنا سکتے ہیں جبکہ اس مقصد کے لیے کسی دوا کی ضرورت بھی نہیں۔
1۔ آنکھوں پر مسلسل بہت زیادہ دباؤ نہ ڈالیے بلکہ کام کرتے دوران ہر 2 سے 3 گھنٹوں میں صرف چند منٹ کے لیے آنکھیں بند کر لیجیے، اس طرح کہ آنکھوں کو سکون ملے۔ وقفے وقفے سے آنکھوں کو دیا جانے والا یہی آرام انہیں کمزور پڑنے اور دھندلانے سے بچاتا ہے۔
2۔ ذیل کی تصویر میں آنکھوں کی 16 بنیادی ورزشیں دکھائی گئی ہیں جن میں تیر کے نشان کی سمت ظاہر کرتی ہے کہ آپ کو کس سمت سے لے کر کس سمت تک میں آنکھوں کو حرکت دینی ہے تاکہ آنکھوں کے ڈیلوں کے علاوہ آنکھوں کے پٹھے بھی مضبوط ہو جائیں اور یہ دونوں چیزیں مل کر آپ کی بصارت کو بہتر بنائیں گی۔
3۔ اگر آپ چشمہ لگاتے ہیں تو کوشش کیجیے کہ چشمہ لگانے کا دورانیہ کم کردیں۔ ایسا کرنے سے آنکھوں کو اپنی بصارت بحال کرنے کے لیے بغیر کسی اضافی امداد ہی کے کوشش کرنا ہو گی جس کی وجہ سے نہ صرف آنکھ کی مجموعی صحت بہتر ہونے لگے گی بلکہ رفتہ رفتہ بصارت بھی معمول پر آنے لگے گی۔
4۔ نیچے دی گئی تصویر کے مطابق، دونوں ہاتھوں کی درمیانی انگلیوں کی پوروں سے آنکھوں کا مساج روزانہ کیجیے لیکن اس طرح کہ آنکھوں کو آہستہ آہستہ دبایا جائے یعنی ان کے دبانے سے آنکھ میں تکلیف نہ ہو۔
1 سے لے کر 6 تک کے اعداد ان مقامات کو ظاہر کرتے ہیں جہاں آپ کو آنکھ کو ہلکے ہاتھ سے دبانا ہے۔
5۔ جب کبھی باہر گھومنے پھرنے جانا ہو تو آس پاس کی چیزوں کے علاوہ دور کی چیزوں کے نظارے بھی لیجیے۔ یعنی کبھی قریبی اشیاء پر نظریں مرکوز کیجیے تو کبھی دور کی چیزوں پر نگاہیں جمائیے۔ دراصل یہ آنکھوں کی بہت پرانی اور آزمودہ مشق ہے جس سے آنکھ کے عدسے اور پردے، دونوں کی صحت بہتر رہتی ہے اور نتیجتاً بصارت بھی مضبوط رہتی ہے۔
6۔ گاجر کا رس جتنا زیادہ پی سکتے ہیں، پیجیے کیونکہ یہ آنکھوں کےلیے اکسیر ہے۔
7۔ اگر آنکھوں میں تھکاوٹ محسوس ہو تو انہیں صاف لیکن نیم گرم پانی سے دھو لیجیے۔ شدید گرمی کے موسم میں آپ یہ عمل ٹھنڈے پانی کی مدد سے بھی کرسکتے ہیں۔
8۔ رات کو سونے سے کم از کم دو گھنٹہ پہلے ٹیلی ویژن، کمپیوٹر اور اسمارٹ فون اسکرین پر سے نظریں ہٹا لیجیے اور آنکھوں کو کچھ آرام دیجیے۔ ٹی وی/ کمپیوٹر/ اسمارٹ فون اسکرین پر زیادہ دیر تک مسلسل نظریں جمائے رکھنا بھی آنکھیں کمزور کرنے کی ایک بڑی وجہ ہے۔
9۔ روشنی کا مراقبہ کیجیے: مطلب یہ کہ کوئی روشن چیز (مثلاً موم بتی جلا کر) اپنے سامنے کچھ فاصلے پر رکھ لیجیے اور اس پر کچھ دیر تک ایسے نظریں جما کر رکھیے کہ پلکیں نہ جھپکنے پائیں۔ جب پلکیں جھپکنے لگیں تو آنکھیں بند کرلیجیے لیکن تصور کیجیے کہ آپ اس روشن چیز کو اسی طرح دیکھ رہے ہیں جیسے آپ اسے کھلی آنکھوں سے دیکھ رہے تھے۔
اب اسی تصور کو برقرار رکھتے ہوئے (بند آنکھوں کے ساتھ) اپنی بھنووں کے درمیانی حصے کی طرف دیکھیے۔ چند منٹوں تک اسی کیفیت میں رہیے اور پھر آنکھیں کھول دیجیے۔ یہ سارا عمل آپ کو 10 منٹ میں مکمل کرنا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔