- ویسٹ انڈیز ویمن ٹیم کا پاکستان کو ون ڈے سیریز میں وائٹ واش
- کراچی میں ایرانی خاتون اول کی کتاب کی رونمائی، تقریب میں آصفہ بھٹو کی بھی شرکت
- پختونخوا سے پنجاب میں داخل ہونے والے دو دہشت گرد سی ٹی ڈی سے مقابلے میں ہلاک
- پاکستان میں مذہبی سیاحت کے وسیع امکانات موجود ہیں، آصف زرداری
- دنیا کی کوئی بھی طاقت پاک ایران تاریخی تعلقات کو متاثر نہیں کرسکتی، ایرانی صدر
- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
گیلانی اور مخدوم شہاب فیملی سمیت 14افراد کے اثاثے منجمد
راولپنڈی: ڈائریکٹرجنرل اینٹی نارکوٹکس فورس نے ممنوعہ کیمیکل ایفی ڈرین کوٹہ الاٹمنٹ و ایفی ڈرین اسمگلنگ کیس میں14ملزمان و افرادکی5ارب روپے مالیت کی پراپرٹی اور بینک اکاؤنٹس منجمدکر دیے ہیں۔
جبکہ انسداد منشیات کی خصوصی عدالت کے جج ارشد محمود تبسم نے ان تمام ملزمان و افرادکو نوٹس جاری کرکے12 فروری کو مذکورہ اثاثے اور بینک بیلنس بنانے کے ذرائع آمدن پیش کرنے کا حکم جاری کر دیا ہے جن ملزمان اور شخصیات کی پراپرٹی اور بینک اکاؤنٹس منجمدکیے گئے ہیں ان میں وفاقی وزیر مخدوم شہاب الدین، ان کے بیٹے مخدوم طاہر رشید الدین، ان کی2بیٹیوں عریشہ بی بی، تازین بی بی، رکن قومی اسمبلی علی موسیٰ گیلانی، ان کے بڑے بھائی رکن قومی اسمبلی عبدالقادرگیلانی،فوزیہ یوسف رضا گیلانی زوجہ یوسف رضا گیلانی،سابق سیکریٹری صحت خوشنود اختر لاشاری،ڈرگ کنٹرولر شیخ انصار احمد،ان کی اہلیہ نوشابہ انصار،بیٹی سندر انصار،بیٹے حسن احمد انصار،ڈپٹی ڈائریکٹر ڈرگ عبدالستار سوہرانی شامل ہیں۔
ان سب کے نام جائیداد،گاڑیاںاور بنک اکاؤنٹس منجمدکیے گئے ہیں۔ اینٹی نارکوٹکس فورس کے پراسیکیوٹر زاہدگھمن نے ڈی جی اے این ایف کی طرف سے یہ کیس پیش کیا جسے عدالت نے سماعت کیلیے باقاعدہ طور پر منظورکر لیا ہے۔اے این ایف کا موقف ہے کہ مذکورہ ملزمان اور شخصیات کے نام ملک بھر میں جو بھی پراپرٹی،گاڑیاں اور بنک اکاؤنٹس ہیں وہ تمام اثاثہ جات مبینہ طور پر ایفی ڈرین(منشیات) کی اسمگلنگ کی آمدن سے بنائے گئے ہیں،اس لیے انھیں منجمدکر دیا گیا ہے،اس لیے ڈی جی اے این ایف کے اس فیصلے کی توثیق کی جائے۔
وفاقی وزیر مخدوم شہاب الدین کے نام ضلع رحیم یار خان کے24بینکوں میںکھولے گئے 24اکاؤنٹس منجمدکیے گئے ہیں۔اس سے قبل ڈی جی اے این ایف نے اسی کیس کے دیگر6ملزمان بارلیکس فارما سیوٹیکل کمپنی کے ڈائریکٹر افتخار احمد خان،ڈینس فارما سیوٹیکل کمپنی کے سابق ڈائریکٹر چوہدری عنصر فاروق،رضوان احمد خان،انجم شاہ،توقیر علی خان،کرنل(ر) طاہر الودودکے تمام اثاثے بھی منجمدکیے تھے۔
ان ملزمان سے بھی ان کے کروڑوں روپے مالیت کے اثاثوں کے ذرائع آمدن بھی عدالت نے نوٹس جاری کرکے طلب کر لیے ہیں۔وفاقی وزیر مخدوم شہاب الدین کے وکیل عبدالرشید شیخ ایڈووکیٹ نے وفاقی وزیرکے اثاثے منجمدکرنے کے اقدام کو ہائی کورٹ راولپنڈی بینچ میں چیلنج بھی کر دیا ہے، اس پٹیشن کی سماعت فروری میں ہوگی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔