- 190 ملین پاؤنڈز کیس؛ وکلا کی جرح مکمل، مزید 6 گواہوں کے بیان قلمبند
- حکومت تمام اخراجات ادھار لے کر پورا کررہی ہے، احسن اقبال
- لاپتا افراد کا معاملہ بہت پرانا ہے یہ عدالتی حکم پر راتوں رات حل نہیں ہوسکتا، وزرا
- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
- قومی ٹیم میں بیٹرز کی پوزیشن معمہ بن گئی
- نیشنل ایکشن پلان 2014 پر عملدرآمد کیلیے سپریم کورٹ میں درخواست دائر
- پختونخوا کابینہ میں بجٹ منظوری کیخلاف درخواست پر ایڈووکیٹ جنرل کو نوٹس
- وزیراعظم کا ٹیکس کیسز میں دانستہ التوا کا نوٹس؛ چیف کمشنر ان لینڈ ریونیو اسلام آباد معطل
- بلوچستان میں 24 تا 27 اپریل مزید بارشوں کی پیشگوئی، الرٹ جاری
- ازبکستان، پاکستان اور سعودی عرب کے مابین شراکت داری کا اہم معاہدہ
- پی آئی اے تنظیم نو میں سنگ میل حاصل، ایس ای سی پی میں انتظامات کی اسکیم منظور
- کراچی پورٹ کے بلک ٹرمینل اور 10برتھوں کی لیز سے آمدن کا آغاز
- اختلافی تحاریر میں اصلاح اور تجاویز بھی دیجیے
- عوام کو قومی اسمبلی میں پٹیشن دائر کرنیکی اجازت، پیپلز پارٹی بل لانے کیلیے تیار
- ریٹائرڈ کھلاڑیوں کو واپس کیوں لایا گیا؟ جواب آپکے سامنے ہے! سلمان بٹ کا طنز
- آئی ایم ایف کے وزیراعظم آفس افسروں کو 4 اضافی تنخواہوں، 24 ارب کی ضمنی گرانٹ پر اعتراضات
- وقت بدل رہا ہے۔۔۔ آپ بھی بدل جائیے!
- خواتین کی حیثیت بھی مرکزی ہے!
- 9 مئی کیسز؛ شیخ رشید کی بریت کی درخواستیں سماعت کیلیے منظور
چکنی جلد کا خیال کیسے رکھا جائے؟
چکنی یا روغنی جلد کو صحت مند رکھنا بعض اوقات خاصا مشکل ثابت ہوسکتا ہے، خاص طور پر ان لڑکیوں کے لیے جن کے چہرے پر مہاسے بھی نکلتے ہوں۔
جلد چکنی کیوں ہوجاتی؟ اس کی مختلف وجوہات ہوتی ہیں، اسی طرح چکنی جلد کو صحت مند رکھنے کے بھی مختلف طریقے ہوتے ہیں۔ یاد رکھنے کی بات یہ ہے کہ چکنی جلد والی ہر لڑکی یا خاتون کے لیے ہر طریقہ فائدہ مند ثابت نہیں ہوسکتا۔ ممکن ہے کہ جو طریقہ ایک لڑکی کے لیے کارآمد ثابت نہ ہو وہ روغنی جلد کی حامل دوسری لڑکی کے لیے نہ ہو۔
وجہ وہی ہے کہ ہر لڑکی میں چکنی جلد کے اسباب مختلف ہوسکتے ہیں۔ خوراک، فضا، دھوپ میں رہنے کا دورانیہ، ہارمون، عمر، حمل، آغاز بلوغت، بدہضمی اور آنتوںکے مسائل، ذہنی و جسمانی دباؤ، ماحول کی تبدیلی، اور موروثی اثرات سمیت بہت سے عوامل اس میں کردار ادا کرتے ہیں۔ لہٰذا بہتر یہ ہے کہ ماہر جلد سے مل کر جلد پر روغن کی تہہ جم جانے کا اصل سبب جاننے کی کوشش کی جائے۔ بہرحال کچھ طریقے ایسے ہیں جو چکنی جلد کی حامل لڑکیوں اور خواتین کے لیے یکساں طور پر مفید ہیں۔
ناشتے میں اسبغول کی بھوسی یا ریشہ دار غذٓاؤں کا استعمال چکنی جلدکے مسائل سے بچانے میں معاون ہوسکتا ہے۔ بہتر ہے کہ اسبغول کی بھوسی نہار منھ پانی میں بھگو کر لی جائے۔ اس کے متواتر استعمال سے جلد پر نمودار ہونے والی چکنائی کی مقدار میں نمایاں کمی آجائے گی، اور کیل مہاسوں کا خطرہ بھی کم ہوجائے گا۔ ماہرین جلد کے مطابق نظام انہضام کی خرابیاں جلد کے مسائل بھی پیدا کرتی ہیں۔ اگر ہاضمہ درست ہوگا تو پھر جلد کے کئی مسائل جنم نہیں لیں گے۔
اسبغول اور ریشہ دار غذاؤں کے استعمال کے علاوہ اچھا کلینزر بھی ایک بہتر آپشن ہے۔ چہرہ دھونے کے بعد ہلکے موئسچرائزر کا استعمال بھی چکنی جلد پر خوش گوار اثرات مرتب کرتا ہے۔ موئسچرائزر لگانے کے بعد اگر بے بی پاؤڈر تھوڑی مقدار میں چہرے پر لگالیا جائے تو اس سے بھی چکنی جلد پر اچھا اثر پڑتا ہے۔ یاد رکھیے کہ جلد پر ہمیشہ ہلکا ترین میک اپ کریں۔ اگر آپ بھاری میک اپ کرتی ہیں تو پھر اسے صاف کرنے کے بعد فیس واش سے چہرہ اچھی طرح دھولیں۔ میک اپ سے پندرہ منٹ قبل اگر برف سے چہرے کا مساج کرلیا جائے تو اس سے جلد کے مسام قریب قریب بند ہوجاتے ہیں اور میک اپ زیادہ دیر تک تازہ رہتا ہے۔
جلد کے مسائل سے محفوظ رہنے میں سبزیوں اور پھلوں کا استعمال اہم کردار ادا کرتا ہے۔ ان کے مستقل استعمال سے چکنی جلد کا سبب بننے والے عوامل کمزور پڑجاتے ہیں، نتیجتاً جلد پر نمودار ہونے والے روغن کی مقدار محدود ہوتی چلی جاتی ہے۔ بہرصورت اپنی چکنی جلد کی وجہ تلاش کرنے کے لیے ماہرجلد سے رجوع کرنا بہت ضروری ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔