- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
چمپیئنز ٹرافی : پاکستان کی شاندار فتح
ایک اعصاب شکن مقابلے کے بعد پاکستان نے سری لنکا کو تین وکٹ سے ہراکر چیمپیئنز ٹرافی کے سیمی فائنل تک رسائی حاصل کرلی۔ پاکستانی شائقین کرکٹ کے مرجھائے ہوئے چہرے جیت سے کھل اٹھے، نوجوان مستی میں جھوم اٹھے اورانھوں نے دیوانہ وار رقص کیا۔ چیمپیئنزٹرافی کے ڈو اینڈ ڈائی میچ میں پاکستانی ٹیم نے کم بیک کیا اور جیت اپنے نام کی۔ بھارت کے ہاتھوں شکست کے زخم پر جیسا پھاہا رکھ دیا ، سری لنکا ون ڈے کی مایہ نازاورآخری گیند تک فائٹ کرنیوالی ٹیم ہے، لہذا کانٹے کے مقابلے کی توقع شائقین پہلے ہی کررہے تھے، ٹاس پاکستان نے جیتا اور بیٹنگ کی دعوت سری لنکا کو دی۔
سری لنکن بلے بازوں اور پاکستانی فاسٹ بولنگ اٹیک کے درمیان کشمکش کاآغاز ہوا اورپاکستانی بولرز نے کسی بھی موقعے پر سری لنکا کے بلے بازوں کوکھل کرکھیلنے کا موقع نہیں دیا اور وقفے وقفے سے ان کی وکٹیں خزاں رسیدہ پتوں کی طرح گرتی رہیں، جنید خان اور حسن علی نے تین ،تین کھلاڑیوں کو پویلین کی راہ دکھائی ، محمدعامر اور فہیم نے دو ، دو بلے بازوں کی وکٹیں لیں ۔سری لنکا کے تمام ٹیم صرف236 بنا سکی ۔جب پاکستانی اننگزکا آغاز ہوا تو اوپنرزنے تو خوبصورت آغاز چوہتر رنزبنا کردیا،لیکن اس کے بعدپاکستانی ٹیم کے بلے باز اپنی وکٹیں تواتر سے گنواتے گئے اور ایک انتہائی آسان ہدف بھی ان کی پہنچ سے دور نظر آنے لگا ، اس موقعے پر کپتان سرفراز احمد اور محمد عامر کے درمیان 75 رنز کی فتح گر پارٹنر شپ نے سری لنکن امیدوں پر پانی پھیر دیا، سرفراز 61 رنز بنا کر مین آف دی میچ رہے۔
بحیثیت نومنتخب کپتان سرفراز کی کارکردگی بہت اچھی رہی۔ سب سے اچھی اور مثبت بات یہ تھی کہ ٹیم ایک ہوکر جذبے سے کھیلی اور جیت کے لیے ہدف کا تعاقب کیا ۔ پاکستانی قوم کی خواہش ہے کہ ان کی ٹیم چیمپیئنز ٹرافی کا ٹائٹل جیت کر آئے، یقینا کرکٹ ٹیم اس خواب کو تعبیر دینے کے لیے انتھک محنت کرے گی اوراب سیمی فائنل میں پاکستان کا مقابلہ بدھ کو میزبان انگلینڈ سے ہوگا ، اگر پاکستانی ٹیم یہ میچ اورفائنل جیتنا چاہتی ہے تو اسے اپنی خامیوں کو فی الفور دور کرنے کے لیے جامع حکمت عملی بنانا پڑی گی اور کھیلنا ہوگا صرف اور صرف جیت کے لیے ۔ جب یہ جذبہ نوجوان بالرز اور بلے بازوں کے دلوں میں پیدا ہوگا تو پھر انھیں چمپئین بننے سے کوئی روک نہیں سکے گا ، پاکستانی قوم کی دعائیں کرکٹ ٹیم کے ساتھ ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔