- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
- وزیراعلیٰ پنجاب نے نوازشریف کسان کارڈ کی منظوری دے دی
- بھارتی فوجی نے کلکتہ ایئرپورٹ پر خود کو گولی مار کر خودکشی کرلی
- چائلڈ میرج اور تعلیم کا حق
- بلوچستان؛ ایف آئی اے کا کریک ڈاؤن، بڑی تعداد میں جعلی ادویات برآمد
- قومی ٹیم کی کپتانی! حتمی فیصلہ آج متوقع
- پی ایس 80 دادو کے ضمنی انتخاب میں پی پی امیدوار بلامقابلہ کامیاب
- کپتان کی تبدیلی کیلئے چیئرمین پی سی بی کی زیر صدارت اہم اجلاس
- پاکستان کو کم از کم 3 سال کا نیا آئی ایم ایف پروگرام درکار ہے، وزیر خزانہ
- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
- کپتان کی تبدیلی کے آثار مزید نمایاں ہونے لگے
- قیادت میں ممکنہ تبدیلی؛ بورڈ نے شاہین کو تاحال اعتماد میں نہیں لیا
- ایچ بی ایف سی کا چیلنجنگ معاشی ماحول میں ریکارڈ مالیاتی نتائج کا حصول
- اسپیشل عید ٹرینوں کے کرایوں میں کمی پر غور کر رہے ہیں، سی ای او ریلوے
افغانستان کیلیے عالمی بینک کی 520 ملین ڈالر امداد، اقوام متحدہ کے سیکریٹری جنرل کابل پہنچ گئے
نیویارک / واشنگٹن / کابل: عالمی بینک نے افغانستان کیلیے520 ملین ڈالرکے ایک منصوبے کی منظوری دے دی ہے۔
بینک کے مطابق اس رقم کا نصف حصہ بد امنی کی وجہ سے بے گھر شہریوں کے لیے مختص کیا گیا ہے جبکہ دوسرا حصہ غربت کے خاتمے کیلیے جاری معاشی اصلاحات پر خرچ کیا جائے گا۔ بینک نے بتایا کہ بین الاقوامی دستوں کے انخلا کے بعد سے ملک میں تشدد میں اضافہ ہوا ہے اور اس وجہ سے افغانستان میں اقتصادی ترقی بہت سست روی کا شکار ہے۔ اس سے قبل یہ عالمی مالیاتی ادارہ جنوری میں افغانستان میں اقتصادی سرگرمیوں کی صورت حال کے حوالے سے اپنی تشویش کا اظہار کرچکا ہے۔
دریں اثنا امریکی صدر ڈونلڈ ٹرمپ نے پینٹاگان کو افغانستان میں تعینات ملکی فوجیوں کی تعداد کا نئے سرے سے تعین کرنے کی اجازت دے دی ہے۔ خبر رساں ادارے کے مطابق اس فیصلے کے بعد امریکی وزیر دفاع جیمز میٹس افغانستان میں امریکی فوجیوں کی آئندہ تعداد کا تعین خود کر سکیں گے۔ اس سے قبل وائٹ ہاؤس عراق اور شام کیلیے بھی ملکی وزیر دفاع کو اس طرح کے اختیارات دے چکا ہے۔ آج کل افغانستان میں 8500امریکی فوجی تعینات ہیں جبکہ مغربی دفاعی اتحاد نیٹو کے 5 ہزار اضافی فوجی افغان دستوں کومشاورت اور تربیت فراہم کر رہے ہیں۔
اقوام متحدہ کے سیکریٹری جنرل انتونیو گیترس غیراعلانیہ دورہ افغانستان پر کابل پہنچے۔ بدھ کو اقوام متحدہ کے اسسٹنس مشن برائے افغانستان کے مطابق سیکریٹری جنرل کا دورہ افغانستان کی عوام سے یکجہتی، ترقی واستحکام اور امن کے اظہار کے لیے ہے۔ یاد رہے کہ انتونیو گیترس کا اقوام متحدہ کی سربراہی سنبھالنے کے بعد افغانستان کا یہ پہلا دورہ ہے۔
عالمی ادارے نے کہا ہے کہ اقوام متحدہ کے سیکریٹری جنرل کابل میں اپنے قیام کے دوران افغان صدر اشرف غنی اور سی ای او عبداللہ عبدللہ سے الگ الگ ملاقات کے علاوہ افغانستان میں مصروف عمل سول سوسائٹی کی تنظیموں کے نمائندوں سے بھی ملاقات کریں گے۔
دریں اثنا طالبان کے ملا ہیبت اللہ گروپ نے ملا رسول گروپ پر خودکش حملے کی ذمے داری قبول کرلی، حملے میں 50 جنگجوؤں کے ہلاک اور زخمی ہونے کا دعویٰ کیا گیا ہے۔ طالبان ترجمان کے مطابق حملے میں ملیشیا فورس کی چیک پوسٹ کو نشانہ بنایا گیا، مرنے والوں میں گروپ کا کمانڈر بھی شامل ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔