سپریم کورٹ میں پاناماعملدرآمد کیس کی سماعت پیرتک ملتوی

 اسلام آباد: سپریم کورٹ نے پاناماعمل درآمد کیس کی سماعت اٹارنی جنرل اورجے آئی ٹی ارکان کی مصروفیت کے باعث پیرتک ملتوی کردی۔

ایکسپریس نیوزکے مطابق جسٹس اعجازافضل خان کی سربراہی میں پاناما عمل درآمد کیس کی سماعت کرنے والے سپریم کورٹ کے 3 رکنی بینچ کوآج حسین نوازکی تصویرلیکس اورجے آئی ٹی کی تفتیش میں رکاوٹوں سے متعلق درخواستوں کی سماعت کرنا تھی، تاہم عدالتی کارروائی میں وقفے کے دوران اٹارنی جنرل جسٹس اعجازافضل کے چیمبرمیں پیش ہوئے اورانہیں بتایا کہ سینٹ میں مصروفیت کے باعث عدالت پیش نہیں ہوسکیں گے۔

اس خبرکو بھی پڑھیں: وزیراعظم نوازشریف پاناما جے آئی ٹی کے سامنے پیش

اٹارنی جنرل کی درخواست پرجسٹس اعجاز افضل نے کہا کہ آج صبح جے آئی ٹی ممبرزکی جانب سے پیغام آیا، جس میں کہا گیا ہے کہ جے آئی ٹی کے ارکان ساڑھے 11 بجے تک عدالت نہیں آسکیں گے، اس لئے بہترہوگا کہ سماعت پیرکے روزرکھ لی جائے، جس پراٹارنی جنرل نے عدالت کو یقین دہانی کرائی کہ پیر کو مصروفیت ہے لیکن وہ عدالت میں پیش ہوجائیں گے۔