- قومی ٹیم کی کپتانی! حتمی فیصلہ آج متوقع
- پی ایس 80 دادو کے ضمنی انتخاب میں پی پی امیدوار بلامقابلہ کامیاب
- کپتان کی تبدیلی کیلئے چیئرمین پی سی بی کی زیر صدارت اہم اجلاس
- پاکستان کو کم از کم 3 سال کا نیا آئی ایم ایف پروگرام درکار ہے، وزیر خزانہ
- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
- کپتان کی تبدیلی کے آثار مزید نمایاں ہونے لگے
- قیادت میں ممکنہ تبدیلی؛ بورڈ نے شاہین کو تاحال اعتماد میں نہیں لیا
- ایچ بی ایف سی کا چیلنجنگ معاشی ماحول میں ریکارڈ مالیاتی نتائج کا حصول
- اسپیشل عید ٹرینوں کے کرایوں میں کمی پر غور کر رہے ہیں، سی ای او ریلوے
- سول ایوی ایشن اتھارٹی سے 13ارب ٹیکس واجبات کی ریکوری
- سندھ میں 15 جیلوں کی مرمت کیلیے ایک ارب 30 کروڑ روپے کی منظوری
- پی آئی اے نجکاری، جلد عالمی مارکیٹ میں اشتہار شائع ہونگے
- صنعتوں، سروسز سیکٹر کی ناقص کارکردگی، معاشی ترقی کی شرح گر کر ایک فیصد ہو گئی
- جواہرات کے شعبے کو ترقی دیکر زرمبادلہ کما سکتے ہیں، صدر
- پاکستان کی سیکنڈری ایمرجنگ مارکیٹ حیثیت 6ماہ کے لیے برقرار
نادرا نے امیروں کا ڈیٹا دینے کیلیے ایف بی آر سے حصہ مانگ لیا
اسلام آباد: نیشنل ڈیٹا بیس رجسٹریشن اتھارٹی (نادرا) نے فیڈرل بورڈ آف ریونیو کو قابل ٹیکس آمدنی رکھنے والے 8 لاکھ افراد کے ڈیٹا کی فراہمی کو ریونیو میں حصے کی فراہمی سے مشروط کردیا ہے۔
’’ایکسپریس‘‘ کو دستیاب دستاویز کے مطابق ایف بی آر نے نادرا سے قابل ٹیکس آمدنی رکھنے کے باوجود ٹیکس نیٹ سے باہر امیر ترین لوگوں کا ڈیٹا مانگا جس پر نادرا نے رضامندی ظاہر کردی ہے تاہم شرط عائد کی ہے کہ ایف بی آر کو نادرا سے حاصل کردہ 8 لاکھ امیروں کے ڈیٹا کو استعمال کرنے سے جو ریونیو ملے گا اس کی مخصوص شرح نادرا کو فراہم کی جائے، نادرا فیملی ٹری سے بھی ان لوگوں کے بارے میں تمام درکار معلامات ایف بی آر کو فراہم کرے گا۔
دستاویز میں بتایا گیاکہ گزشتہ ہفتے وزیراعظم کے مشیر برائے ریونیو ہارون اختر کی زیر صدارت ٹیکس اصلاحات کمیشن کے اجلاس میں نادرا سے ڈیٹا حاصل کرنے کی منظوری دے دی گئی ہے اور اس بات پر بھی اصولی اتفاق کیا ہے کہ نادرا کے ڈیٹا کو استعمال کرنے سے جو لوگ ٹیکس نیٹ میں آئیں اور ایف بی آر کو ان سے جو ریونیو حاصل ہوگا اس میں نادرا کا حصہ ہوگا اور اس کے لیے نادرا کے ساتھ مذاکرات کے ذریعے ریونیو میں حصے کی شرح کا تعین کیاجائے گا جس کے بعد نادرا سے تحریری معاہدہ یا ایم او یو سائن کیا جائے گا۔
دستاویز کے مطابق اجلاس میں ہارون اختر نے ایف بی آر کی ممبر براڈننگ آف ٹیکس بیس تسنیم رحمن کو ہدایت کی کہ نادرا کی جانب سے ریونیو شیئرنگ کی بنیاد پر8 لاکھ لوگوں کا ڈیٹا فراہم کرنے کی پیشکش پر مزید کام کیا جائے، ٹیسٹ کیس کے طور پر نیشنل ڈیٹا بیس رجسٹریشن اتھارٹی سے 100 افراد کا ڈیٹا لے کر ان پر کام کیا جائے، اگر ان کیسز میں فیڈرل بورڈ آف ریونیو کو حوصلہ افزا ریونیو حاصل ہوتا ہے تو اس کے بعد نادرا کے ساتھ باقاعدہ طور پر کوآرڈینیشن کیا جائے اور نادرا سے ڈیٹا لے کر اسے ٹیکس نیٹ و ٹیکس ریونیو بڑھانے کے لیے استعمال کیا جائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔