بالی ووڈ اداکار بھی پاکستانی کھلاڑیوں کے دیوانے

ویب ڈیسک  پير 19 جون 2017
بلاشبہ پاکستانی ٹیم نے ہرشعبے میں بہترکھیلا، فرحان اختر: فوٹو: فائل

بلاشبہ پاکستانی ٹیم نے ہرشعبے میں بہترکھیلا، فرحان اختر: فوٹو: فائل

 ممبئی: گزشتہ روز چیمپئینز ٹرافی کے فائنل میں بھارت کو شکست دینے کے بعد بھارتی کھلاڑی بھی پاکستانی کھلاڑیوں کے دیوانے ہوگئے۔

بھارتی میڈیا رپورٹس کے مطابق چیمپئینزٹرافی کے فائنل میں بھارت کو بد ترین شکست دے کر پاکستان چیمپئین بنا جس کے بعد بھارتی اداکاربھی پاکستانی کھلاڑیوں کی تعریف میں پیچھے نہیں ہٹے اور تعریفوں پر تعریفیں کرڈالیں۔

بالی ووڈ اداکاررنویرسنگھ نے سماجی رابطے کی ویب سائٹ ٹوئٹرپرپاکستانی کی جیت پرمبارک دیتے ہوئے کہا کہ پاکستان نے بہترین اندازمیں فائنل کھیلا جب کہ کچھ بہترین ٹیموں نے فائنل ہارا جس میں بھارت بھی شامل ہے۔

بالی ووڈ کے چھوٹے بگ بی ابھیشیک بچن نے بھی پاکستانی ٹیم کی کارکردگی کو خوب سراہا اور کہا کہ آج پاکستان کی ٹیم بہت بہتر کھیلی تھی۔

دوسری جانب اداکارہ سشمیتا سین نے بھی خوب تعریف کی اورکہا کہ فائنل میں پاکستان نے بہترین کھیلا اور یہ واقعی رحمتوں سے بھرا رمضان ہے۔

https://twitter.com/thesushmitasen/status/876468423672291328

فرحان اخترنے پاکستانی قومی ٹیم کو مبارک باد دی اور کہا کہ آج بلاشبہ پاکستان نے ہر شعبے میں بہترکھیلا۔

بالی ووڈ کے کامیڈی اداکاررتیش دیش مکھ نے بھی پاکستان کے کھیل کے اندازکوسراہتے ہوئے کہا کہ پاکستان نے ٹورنا منٹ میں بہترین اندازمیں کم بیک کیا ہے۔

https://twitter.com/Riteishd/status/876469541332672513

اداکارارجن رام پال کا کہنا تھا کہ پاکستانی ٹیم کے بہترین کھیلنے پرجیت مبارک ہو جب کہ وہ آج اس جیت کے حقداربھی تھے۔

اداکارورن دھون نے کہا کہ کھیل میں ہارجیت تو ہوتی ہے لیکن پاکستان نے آج بہتر کھیلا جب کہ امید ہے کہ بھارت ایک بار پھر کم بیک کرے گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔