پاک فوج کے سربراہ کی ترک وزیراعظم سے ملاقات

 انقرہ: آرمی چیف جنرل قمر جاوید باجوہ نے ترک وزیراعظم بنالی یلدرم سے ملاقات کی جس میں علاقائی سلامتی سے متعلق امور پر تبادلہ خیال کیا گیا۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے ترک وزیراعظم بنالی یلدرم سے ملاقات کی جس میں علاقائی سلامتی سے متعلق امور زیر بحث آئے جب کہ ملاقات میں دونوں ملکوں کو درپیش چیلنجز کی مماثلت پر تبادلہ خیال کیا گیا۔

COAS met Turkish PM. PM reiterated Turkish support for Pakistan's stance on Kashmir. COAS expressed Pak's sp to Turkey’s position on Cyprus. pic.twitter.com/pVNNfpiZbu

— Maj Gen Asif Ghafoor (@OfficialDGISPR) June 22, 2017

آئی ایس پی آر کے مطابق پاک فوج کے سربراہ نے بین الاقوامی فورمز پر حمایت پر ترک وزیراعظم کا شکریہ ادا کرتے ہوئے کہا کہ پاکستان قبرص کے معاملے پر ترکی کے موقف کی حمایت کرتا ہے جب کہ پاکستان ترکی کی بلا امتیازرنگ و نسل دہشتگردی کیخلاف کوششوں کی بھی حمایت کرتا ہے۔ اس موقع پر ترک وزیراعظم نے خطے اور مسلم دنیا میں پاکستان کے کردار کو سراہا اور کشمیر پر پاکستان کے موقف کی حمایت کا اعادہ کیا۔

اس خبر کو بھی پڑھیں؛ پاک فوج کے سربراہ کی ترک صدراوروزیردفاع سے ملاقات

واضح رہے آرمی چیف جنرل قمر جاوید باجوہ نے گزشتہ روز ترک صدر طیب اردوان اور ترک وزیردفاع سے بھی ملاقات کی تھی۔