- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی کے قریب ہوا دھماکا خود کش تھا، رپورٹ
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
- 9 مئی کیسز؛ فواد چوہدری کی 14 مقدمات میں عبوری ضمانت منظور
- بیوی کو آگ لگا کر قتل کرنے والا اشتہاری ملزم بہن اور بہنوئی سمیت گرفتار
- پی ٹی آئی حکومت نے دہشتگردوں کو واپس ملک میں آباد کیا، وفاقی وزیر قانون
- وزیر داخلہ کا کچے کے علاقے میں مشترکہ آپریشن کرنے کا فیصلہ
- فلسطین کواقوام متحدہ کی مکمل رکنیت دینے کا وقت آ گیا ہے، پاکستان
25 جون کو عید کرنا غیر اسلامی ہوگا، مذہبی اسکالرز
اسلام آباد: مسجدِ قاسم پشاور کے مفتی شہاب الدین پوپلزئی ہفتہ 24 جون کو عیدالفطر کا چاند دیکھنے کی تیاریاں کررہے ہیں تاہم ملک کے معروف مذہبی اسکالرز نے متفقہ طور پر اس بات کا اعلان کیا ہے کہ اتوار 25 جون کو عیدالفطر منانا غیر اسلامی ہوگا۔
ایکسپریس ٹریبیون کی رپورٹ کے مطابق مرکزی رویت ہلال کمیٹی کے اعلان کے مطابق پاکستان کے تمام علاقوں میں لوگوں نے 28 مئی سے روزے رکھنا شروع کیے تھے تاہم اس کے برعکس صوبہ خیبرپختونخوا کے بعض علاقوں میں لوگوں نے مفتی پوپلزئی کی تقلید کی تھی اور ایک دن پہلے روزے شروع کیے تھے۔
اب جب کہ مرکزی رویت ہلال کمیٹی کا اجلاس شوال کا چاند دیکھنے کے لیے 29 رمضان یعنی 25 جون کو ہونے جارہا ہے وہیں عین ممکن ہے کہ خیبر پختونخوا کے بعض علاقوں میں ایک دن پہلے عید کرلی جائے۔ چاند کی رویت کے معاملے پر مرکزی رویت ہلال کمیٹی اور مفتی پوپلزئی کی کمیٹی کو ممکنہ تصادم سے بچانے کے لیے مذہبی علماء میدان میں آگئے ہیں۔
وزارت مذہبی امور کے حکام نے واضح طور پر یہ کہہ دیا ہے کہ اتوار 25 جون کو عیدالفطر منانا غیر اسلامی ہوگا۔ وزیر مملکت برائے مذہبی امور و بین المذاہب ہم آہنگی پیر محمد امین الحسنات شاہ نے بتایا کہ دیگر صوبوں اور آزاد جموں و کشمیر کے لوگ بھی مرکزی رویت ہلال کمیٹی کا فیصلہ ماننے کے لیے تیار ہیں لیکن خیبر پختونخوا کا ایک چھوٹا سا ٹولہ ہے جو مخالفت پر اترا ہوا ہے۔
انہوں نے کہا کہ چاند کی رویت کے لیے جدید ٹیکنالوجی اور سائنسی طریقے استعمال کیے جاتے ہیں جبکہ محکمہ موسمیات بھی اعلان کرچکا ہے کہ ہفتہ 24 جون کو پاکستان میں کسی بھی جگہ چاند نظر آنے کا امکان نہیں ہے۔ مفتی پوپلزئی کی کمیٹی کی جانب اشارہ کرتے ہوئے مذہبی اسکالرز نے کہا کہ ایک مخصوص مذہبی گروپ رمضان المبارک اور عید الفطر کے معاملے پر ہر سال مسلمانوں کو تقسیم کرنے کی کوشش کرتا ہے حالانکہ یہ گروپ سال کے کسی اور چاند کی رویت پر کبھی کوئی اعتراض نہیں کرتا۔
معروف مذہبی اسکالر مفتی سعید نے کہا کہ شوال کا چاند دیکھے بغیر اور مرکزی رویت ہلال کمیٹی کی جانب سے سرکاری اعلان کے بغیر عید الفطر منانا غیر اسلامی ہے۔ انہوں نے حکومت سے مطالبہ کیا کہ وہ ملک کو غیر متحد کرنے والوں کے خلاف سخت کارروائی کرے۔
دوسری جانب دارالعلوم حقانیہ کے منتظم مفتی مختار اللہ کہتے ہیں کہ پوپلزئی کمیٹی یا مرکزی رویت ہلال کمیٹی، دونوں کے اعلان پر عید کرنا اسلامی ہوگا البتہ عید کرنے کی شرط چاند کی رویت ہے۔ انہوں نے کہا وہ سائنس کو نہیں مانتے کیوں کہ اس کے نظریات ہمیشہ تبدیل ہوتے رہتے ہیں اور وہ چاند کو اپنی آنکھوں سے دیکھ کر عید کرنے پر یقین رکھتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔