عید تعطیلات شروع، متعدد بینکوں کی اے ٹی ایمز خراب

ملتان: عید تعطیلات شروع ہوتے ہی متعدد بینکوں کی آٹومیٹڈ ٹیلر مشینیں جواب دے گئیں۔

اسٹیٹ بینک کی واضح ہدایات کے باوجود بینک اے ٹی ایم مشینوں کی کارکردگی بہتر نہیں بنا سکے۔ اکثر اے ٹی ایم میں کیش کی عدم دستیابی‘ لنک ڈاؤن ہونے‘ خرابی کی شکایات برقرار رہیں۔

دوسری جانب عید خریداری‘ تنخواہوں و دیگر ضروریات کیلیے اے ٹی ایم سے رقوم نکلوانے والوں کو مشکلات کا سامنا رہا اور لوگ مختلف اے ٹی ایم مشینوں کے چکر لگاتے رہے۔ اے ٹی ایم پر رش بڑھنے سے ان کے سسٹم بھی کام کرنا چھوڑ گئے۔