وزیر کو بندر کہنے پر ملنگا کو انضباطی کارروائی کا سامنا

کولمبو: سری لنکا کے فاسٹ بالر لیستھ ملنگا کو معاہدے کی خلاف ورزی کرنے پر ڈسپلنری انکوائری کا سامنا کرنا پڑے گا۔

کھیلوں کی ویب سائٹ کرک انفو کے مطابق سری لنکن کرکٹ بورڈ نے فاسٹ بالر لیستھ ملنگا کے خلاف انکوائری کا فیصلہ کیا ہے، ملنگا کو ان کے اپنے ملک کے وزیر کھیل کے خلاف بیانات دینے پر ڈسپلنری انکوائری کا سامنا کرنا پڑے گا۔

SLC invests in Podiatry in continued injury prevention & performance enhancement measures. READ: https://t.co/Eh0gLf09bQ pic.twitter.com/JPYoXbupVo

— Sri Lanka Cricket (@OfficialSLC) June 26, 2017

سری لنکن بورڈ کی جانب سے پریس ریلیز میں کہا گیا ہے کہ لیستھ ملنگا نے متعدد بار معاہدے کی خلاف کی جس پر ان کے خلاف انکوائری کا فیصلہ کیا گیا جب کہ بورڈ نے ایک میٹنگ بھی بلائی جس میں سری لنکا کے ہیڈ کوچ گراہم فورڈ کے استعفیٰ اور عبوری کوچ کی تعیناتی سے متعلق اہم فیصلے لیے جائیں گے۔

واضح رہے چیمپئنز ٹرافی کے سیمی فائنل میں نہ پہنچنے پر سری لنکا کے وزیر کھیل نے کہا تھا کہ کرکٹرز بہت موٹے اور مقابلے کی سکت نہیں رکھتے جس پر لسیتھ مالنگا نے وزیر کا بندر سے موازنہ کیا تھا۔