انتالیا اوپن؛ اعصام الحق کی ڈبلز سیمی فائنل میں رسائی

اسپورٹس ڈیسک  جمعرات 29 جون 2017
سیمی فائنل میں اعصام الحق اور ان کے پارٹنر کا مقابلہ کروشیا کے نکولا میکٹک اور اسرائیل کے جوناتھن ایرلک سے ہوگا۔ ۔ فوٹو : فائل

سیمی فائنل میں اعصام الحق اور ان کے پارٹنر کا مقابلہ کروشیا کے نکولا میکٹک اور اسرائیل کے جوناتھن ایرلک سے ہوگا۔ ۔ فوٹو : فائل

انتالیا: پاکستان کے ٹینس اسٹار اعصام الحق انتالیا اوپن کے ڈبلز سیمی فائنل میں رسائی حاصل کر لی۔

اعصام الحق نے کوارٹر فائنل میں اپنے سویڈش پارٹنر رابرٹ لنسٹیڈ کے ہمراہ امریکہ کے نکولس مونرو اور نیوزی لینڈ کے آرٹم سیٹک کو سخت مقابلے کے بعد شکست سے دوچار کیا۔

پہلے سیٹ میں3-6 سے شکست کے بعد اعصام اور ان کے پارٹنر نے شاندار کم بیک کیا اور دوسرا سیٹ اعصاب شکن مقابلہ کے بعد 7-6(7-4) سے اپنے نام کیا اور تیسرے سیٹ میں بھی10-7 سے فتح پاتے ہوئے فائنل فور میں جگہ بنائی۔

اس سے قبل پہلے راﺅنڈ میں انہوں نے اطالوی پاﺅلو لورنزی اور برازیل کے ریگرو دوترا سلوا کی جوڑی کو 6-3 اور 7-6سے شکست دیتے ہوئے کوارٹر فائنل میں رسائی حاصل کی تھی۔

سیمی فائنل میں اعصام الحق اور سویڈش پارٹنر رابرٹ لنسٹیڈ کا مقابلہ کروشیا کے نکولا میکٹک اور اسرائیل کے جوناتھن ایرلک سے ہوگا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔