رونالڈو نے ’اون گول‘ سے گرینیڈا کو جیت کا تحفہ دے دیا

میڈرڈ: ریئل میڈرڈ کے کرسٹیانو رونالڈو نے اپنے خلاف ہی گول کرکے گرینیڈاکو 1-0 جیت کا تحفہ دے دیا۔

ریئل کوچ جوز مورنہو نے پہلے ہی کرسمس سے قبل لیگ کی جیت پر خاموشی اختیار کررکھی ہے اور اب تازہ ترین دھماکے کا مطلب ہے کہ بارسیلونا اگر ویلنشیا سے جیت جاتا ہے تو اس کی برتری 18 پوائنٹس تک پہنچ سکتی ہے۔ رونالڈو کے آئندہ کھیلنے یا نہ کھیلنے پر بھی شکوک وشبہات پائے جاتے ہیں کیونکہ وہ زخمی ٹخنے کے ٹھیک ہونے کا انتظار کررہے ہیں اور ان کی کیفیت بہتر نہیں ہوئی جب انھوں نے 22ویں منٹ میں گیند کو ہیڈرر پر اپنے ہی گول میں پھینک دیا۔

ریئل نے اپنے دو گزشتہ لیگ میچز میں نو گول اسکور کیے لیکن ا ن کی کوششوں میں کمی دکھائی دیتی ہے اور شاید اسی وجہ سے کنگز کپ مقابلے میں بارسیلونا کے ساتھ میچ 1-1 سے ڈرا کیا تھا۔ مورنہو کہتے ہیں کہ یہ بہتر کھیل نہیں تھا اور ہم ہارچکے ہیں اور میں اس کا ذمہ دار ہوں ، مجھے ٹیم کا پہلے ہاف کا کھیل پسند نہیں آیا، یہ انتہائی خوفناک تھا، دوسرے ہاف میں ہم نے بہتر کھیل کا مظاہرہ کیا ، ہمیں گول کرنے کا موقع بھی ملا لیکن اگر ایسا ہوبھی جاتا تب بھی کارکردگی مناسب نہیں ۔ میڈرڈ نے کھیل کا آغاز تیزی سے کیا لیکن ان کی گیند کو دوسرے کھلاڑی کو دینے کی کوششیں ٹھیک نہیں تھیں جس کا گرینیڈا نے فائدہ اٹھایا ۔

کھیل کے  13 منٹ بعد انیگو لوپز نے گریناڈا کے لیے کارنر پر سر سے گول کرنے کی کوشش کی اور وہ کئی موقع پر خطرناک بھی نظر آئے لیکن گیند کو جال میں ڈالنے کی کوششوں میں جان نہیں تھی۔ آخرکار 20منٹ بعد کارلیوس اراندا نے ایک زوردار کراس لگایا جسے  نولیتو نے پیچھے پھینک دیا۔ نتیجے میں ملنے والے کارنر سے گریناڈا کو برتری اس وقت ملی جب نولیتو کی کراس گول پوسٹ کے قریب رونالڈو کی چھلانگ سے اس کے اپنے ہی گول میں داخل ہوگئی۔ جواب میں میڈرڈ نے رونالڈو اور زابی الونسو کے ذریعے کھیل میں کچھ بہتری لانے کی کوشش کی۔

سیکنڈ ہاف میں رونالڈو کے 25گز سے لگنے والے اسٹرائک کو ٹونو روڈرگز نے عمدگی سے بچایا اور انھوں نے بقایا آدھے گھنٹے کے میچ میں گیم میں تیزی لائے۔ متبادل کریم بینزیما نے آخری لمحات میں چند گز کی دوری سے گیند کو جال میں پھینکنے کا موقع ضائع کردیا۔ اس سے قبل کے میچ میں نچلے درجے کی ڈیپورٹیوولاکورونا کی کوششیں کارآمد نہ ہوسکیں اور وہ گیتافے کے ہاتھوں 3-1 سے شکست سے دوچار ہوئے۔ دیگر مقابلوں میں اوساسونا  نے سیلٹا وائگو کو 1-0 اور اسپانول نے لیوانتے پر 3-2 سے فتح حاصل کی۔