- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
- کپتان کی تبدیلی کے آثار مزید نمایاں ہونے لگے
- قیادت میں ممکنہ تبدیلی؛ بورڈ نے شاہین کو تاحال اعتماد میں نہیں لیا
- ایچ بی ایف سی کا چیلنجنگ معاشی ماحول میں ریکارڈ مالیاتی نتائج کا حصول
- اسپیشل عید ٹرینوں کے کرایوں میں کمی پر غور کر رہے ہیں، سی ای او ریلوے
- سول ایوی ایشن اتھارٹی سے 13ارب ٹیکس واجبات کی ریکوری
- سندھ میں 15 جیلوں کی مرمت کیلیے ایک ارب 30 کروڑ روپے کی منظوری
- پی آئی اے نجکاری، جلد عالمی مارکیٹ میں اشتہار شائع ہونگے
- صنعتوں، سروسز سیکٹر کی ناقص کارکردگی، معاشی ترقی کی شرح گر کر ایک فیصد ہو گئی
- جواہرات کے شعبے کو ترقی دیکر زرمبادلہ کما سکتے ہیں، صدر
- پاکستان کی سیکنڈری ایمرجنگ مارکیٹ حیثیت 6ماہ کے لیے برقرار
- اعمال حسنہ رمضان الکریم
- قُرب الہی کا حصول
- رمضان الکریم ماہِ نزول قرآن حکیم
- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
لاتعداد زندگیاں بچانے والے سنہرے کیلے کی کاشت
کوئنز لینڈ: دنیا بھر میں کیلا ایک عام اور رغبت سے کھایا جانے والا پھل ہے۔ لیکن دنیا کے ایک مقام پر وٹامن اے سے بھرپور کیلے کے خاص جین لے کر ان سے عام کیلے کو بھی وٹامن اے سے بھرپور بنایا گیا ہے جس سے ہر سال لاکھوں بچوں کی جانیں بچائی جاسکتی ہیں۔
کیلا اتنا عام کھایا جاتا ہے کہ بعض افریقی ممالک میں اسے روزمرہ پکوان کا درجہ حاصل ہے۔ یوگینڈا اور دیگر مشرقی افریقی ممالک میں کچے کیلوں کو بھاپ دے کر پکایا اور انہیں روزانہ کھانے میں کھایا جاتا ہے جس سے اس میں وٹامن کی مقدار کم ہو جاتی ہے لیکن اب ماہرین نے وٹامن اے سے بھرپور ایسا سنہرا کیلا تیار کرلیا ہے جو لاتعداد انسانی زندگیاں بچا سکتا ہے۔
اگرچہ کچے کیلے پکا کر کھانے سے ان میں نشاستے کی مقدار بھرپور ہو جاتی ہے لیکن دیگرخرد غذائی اجزا (مائیکرونیوٹرینٹس) مثلاً وٹامن اے کی مقدار کم ہو جاتی ہے۔ اب سوئزرلینڈ کے زرعی بایوٹیکنالوجسٹ جیمز ڈیل نے کم ازکم 10 برس کی محنت کے بعد ایک ایسا کیلا تیار کیا ہے جو وٹامن اے سے مالامال ہے اور اس کی رنگت کی بنا پر اسے ’’سنہرے کیلے‘‘ کا نام دیا گیا ہے۔
پروفیسر ڈیل کے مطابق دنیا بھر میں 6 سے 7 لاکھ بچے صرف وٹامن اے کی کمی سے ہرسال لقمہ اجل بن رہے ہیں۔ غربت کی وجہ سے یہ بچے وٹامن کی سپلیمنٹ یا گولی لینے سے بھی محروم ہیں۔ ان میں سے تین لاکھ بچے وٹامن کی کمی کے باعث بینائی سے بھی محروم ہو رہے ہیں لیکن امید ہے کہ سنہرے کیلے کی کاشت سے اس مسئلے پر بڑی حد تک قابو پایا جا سکے گا۔
پروفیسر جیمز کے مطابق انہوں نے پاپوا نیوگنی میں پائے جانے والے ایک کیلے کا انتخاب کیا جو وٹامن اے سے بھرپور ہوتا ہے۔ اس کا وٹامن بنانے والا جین انہوں نے عام کیلے میں داخل کرکے اس کی کاشت شروع کی اور کئی برسوں کے محنت کے بعد اب وہ ایسا کیلا تیار کرنے میں کامیاب ہوچکے ہیں جو پرو وٹامن اے سے بھرپور ہے اور دنیا کے باقی علاقوں میں اگایا جا سکتا ہے۔
وٹامن اے سے مالا مال کیلا رنگت میں قدرے نارنجی مائل سنہرا ہے اس لئے اسے سنہرے کیلے کا نام دیا گیا ہے۔ پروفیسر جیمز اب تک اسے پاپوا نیوگنی سے نکال کر کوینزلینڈ میں کامیابی سے اگاچکے ہیں۔ اب اس کے جین یوگینڈا میں بھیجے گئے ہیں جہاں تجربات جاری ہیں۔ کھیتوں کی آزمائش کے بعد توقع ہے کہ 2021 تک اس کی باقاعدہ کاشت شروع کی جا سکے گی۔
واضح رہے کہ ماضی میں وٹامن اے سے بھرپور چاولوں کی تیاری بھی اسی مقصد کے تحت کی جاچکی ہے تاہم وہ بڑی سست روی سے فروغ پا رہا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔