- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
- ایف بی آر نے ایک آئی ٹی کمپنی کی ٹیکس ہیرا پھیری کا سراغ لگا لیا
- سیاسی نظریات کی نشان دہی کرنے والا اے آئی الگوردم
- خاتون ڈاکٹرز سے علاج کرانے والی خواتین میں موت کا خطرہ کم ہوتا ہے، تحقیق
- برطانیہ میں ایک فلیٹ اپنے انوکھے ڈیزائن کی وجہ سے وائرل
- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- رضوان اور عرفان خان کو کیویز کیخلاف آخری 2 میچز میں آرام دینے کا فیصلہ
اسکواش سیریز میں مصر نے ابتدائی روز برتری ثابت کردی
اسلام آباد: پاک مصر اسکواش سیریز کے ابتدائی روز مہمان پلیئرز نے اپنی برتری ثابت کر دی، میزن ہیشام، زاہد محمد اور عمر موساد نے میچز جیت لیے، تینوں پاکستانی پلیئرز ناکام رہے۔
پاک فضائیہ اور پاکستان اسکواش فیڈریشن کے زیراہتمام محصف اسکواش کمپلیکس میں گزشتہ روز تین میچز کھیلے گئے۔ پہلا میچ پاکستان کے وقارمحبوب اور مصر کے زاہد محمدکے مابین ہوا، مصری کھلاڑی نے پاکستانی حریف کو 29 منٹ کے ایک آسان مقابلے میں 3-0 سے مات دی۔ میچ کا اسکور 11-9، 11-9 اور 11-8رہا۔
دوسرے مقابلے کا نتیجہ بھی مصر کے حق میں آیا، مہمان پلیئر عمر موساد نے پاکستان کے احسن ایاز کو 36 منٹ میں آئوٹ کلاس کر دیا، میچ کا اسکور 11-8، 11-7 اور 12-10 رہا۔ تیسرا میچ پاکستان کے فرحان زمان اور مصرکے میزن ہیشام کے درمیان ہوا، میزن ہیشام نے 3-1 سے کامیابی حاصل کی، اسکور 11-6، 9-11، 11-9 اور 11-7 رہا۔
اس موقع پر وفاقی وزیر بین الصوبائی رابطہ میاں ریاض پیرزادہ مہمان خصوصی تھے، ان کے ہمراہ پاکستان اسکواش فیڈریشن کے سینئر نائب صدر ایئر وائس مارشل شاہد اختر علوی، نائب صدر قمر زمان اور سیکریٹری طاہر سلطان بھی موجود تھے۔
دریں اثنا مصری کھلاڑی میزن ہیشام نے نمائندہ ’’ ایکسپریس‘‘ سے گفتگوکرتے ہوئے کہا کہ پاکستان انٹرنیشنل اسکواش کیلیے محفوظ ترین ملک ہے، یہاں کھیل کربہت لطف اندوز ہو رہا ہوں، مستقبل میں بھی اگر موقع تو دوبارہ آ کر کھیلوں گا۔ انھوں نے کہا کہ دنیائے اسکواش میں پاکستان کو ہوم آف چیمپئنز کے نام سے پکارا جاتا ہے، جہانگیر خان اورجان شیر خان کے وطن میں کھیلنا میرے لیے اعزاز کی بات ہے، انھوں نے کہا کہ پاکستان اسکواش فیڈریشن نے انٹرنیشنل سیریز کیلیے انتہائی شاندار انتظامات کیے ہیں، کھلاڑیوں کو ہر قسم کی سہولیات اور فول پروف سیکیورٹی فراہم کی گئی ہے۔
فرحان محبوب سے میچ کے حوالے سے سوال پر انھوں نے کہا کہ پاکستانی حریف سے مقابلہ دلچسپ رہا اور انھوں نے اچھا کھیل پیش کیا، پاک مصر سیریز سے میزبان کھلاڑیوں کی کارکردگی میں نمایاں بہتری آئیگی۔ پاکستان کے نمبرون پلیئر فرحان محبوب نے کہاکہ ملک میں انٹرنیشنل اسکواش کی بحالی بہت بڑی کامیابی ہے، ہار جیت کھیل کا حصہ ہے، حریف پلیئر نے شاندار کھیل پیش کیا۔
یاد رہے کہ پاک مصر اسکواش سیریز میں اتوار کودو میچز کھیلے جائیں گے۔ مصحف اسکواش کمپلیکس میں پہلا مقابلہ اسرار احمد اور مصرکے عبدالغر جبکہ دوسرا میچ عبدالگوار اور فرحان محبوب کے مابین ہوگا۔ اس موقع پرچیف آف آرمی اسٹاف قمر جاوید باجوہ مہمان خصوصی ہونگے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔