- مثبت معاشی اشاریوں کے باوجود اسٹاک مارکیٹ میں مندی کا رجحان
- اسلام آبادہائیکورٹ کے فل کورٹ اجلاس میں خط لکھنے والے 6 ججوں کی بھی شرکت
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
- سعودیہ سے دیر لوئر آئی خاتون 22 سالہ نوجوان کے ساتھ لاپتا، تلاش شروع
- بیوی کی ناک اور کان کاٹنے والا سفاک ملزم ساتھی سمیت گرفتار
- پنجاب میں پہلے سے بیلٹ باکس بھرے ہوئے تھے، چیئرمین پی ٹی آئی
- ٹریفک وارڈنز لاہور نے ایمانداری کی ایک اور مثال قائم کر دی
- مسجد اقصی میں دنبے کی قربانی کی کوشش پر 13 یہودی گرفتار
- پنجاب کے ضمنی انتخابات میں پولیس نے مداخلت کی، عمران خان
- 190 ملین پاؤنڈز کیس؛ وکلا کی جرح مکمل، مزید 6 گواہوں کے بیان قلمبند
- حکومت تمام اخراجات ادھار لے کر پورا کررہی ہے، احسن اقبال
- لاپتا افراد کا معاملہ بہت پرانا ہے یہ عدالتی حکم پر راتوں رات حل نہیں ہوسکتا، وزرا
- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
- قومی ٹیم میں بیٹرز کی پوزیشن معمہ بن گئی
- نیشنل ایکشن پلان 2014 پر عملدرآمد کیلیے سپریم کورٹ میں درخواست دائر
- پختونخوا کابینہ میں بجٹ منظوری کیخلاف درخواست پر ایڈووکیٹ جنرل کو نوٹس
- وزیراعظم کا ٹیکس کیسز میں دانستہ التوا کا نوٹس؛ چیف کمشنر ان لینڈ ریونیو اسلام آباد معطل
- بلوچستان میں 24 تا 27 اپریل مزید بارشوں کی پیشگوئی، الرٹ جاری
نوٹنگھم ٹیسٹ؛ جنوبی افریقہ نے انگلینڈ کو 340 رنز سے شکست دے دی
نوٹنگھم: جنوبی افریقہ نے انگلینڈ کو دوسرے ٹیسٹ میچ میں 340رنز کے بڑے مارجن سے شکست دیتے ہوئے سیریز 1-1 سے برابر کردی۔
ٹرینٹ برج گراﺅنڈ میں کھیلے گئے میچ میں جنوبی افریقہ نے دونوں اننگز میں میزبان ٹیم کو آﺅٹ کلاس کیا۔ جنوبی افریقہ کی جانب سے 474 رنز کے ہدف کے تعاقب میں انگلش ٹیم 133رنز پر ڈھیر ہو گئی۔ پروٹیز نے ٹاس جیت کر پہلے بیٹنگ کا فیصلہ کیا اور پہلی اننگز میں ہاشم آملہ 78، کوانٹن ڈی کاک 68، ورنن فلینڈر54 کی بدولت 335رنز بنائے، جیمز اینڈرسن نے 5، اسٹوارٹ براڈ نے 3 جب کہ بین اسٹوکس نے 2 وکٹیں حاصل کیں۔
جواب میں میزبان ٹیم صرف 205رنز بنانے میں کامیاب ہوئی، جوئے روٹ 78 اور جونی بیئراسٹو 45 رنز کے ساتھ نمایاں رہے، کرس مورس اور کیشو مہاراج نے 3,3 جب کہ ورنن فلینڈر اور مورنے مورکل نے 2,2 کھلاڑی آﺅٹ کیے۔
130رنز کی برتری کے ساتھ جنوبی افریقہ نے دوسری اننگز کا آغاز کیا اور 9 وکٹ پر 343رنز بناتے ہوئے انگلینڈ کو فتح کیلیے 474 رنز کا ہدف دیا۔ ہاشم آملہ 87، ڈین ایلگر 80 اور فاف ڈوپلیسی 63 رنز کے ساتھ ٹاپ اسکورر رہے، معین علی نے 4، جیمز اینڈرسن اور بین اسٹوکس نے 2,2 جبکہ لیام ڈاسن نے ایک وکٹ حاصل کی۔
474 کے ہدف کے تعاقب میں پوری انگلش ٹیم 133 پرڈھیرہوگئی، الیسٹر کک 42 اور معین علی27 رنز کے ساتھ نمایاں رہے جبکہ 7 بیٹسمین ڈبل فیگرز میں داخل نہ ہو سکے۔ فاتح ٹیم کی جانب سے ورنن فلینڈر اور کیشو مہاراج نے 3,3 جبکہ ڈوانے اولیور اور کرس مورس نے 2,2 کھلاڑی آﺅٹ کیے۔ آل راﺅنڈ کارکردگی پر ورنن فلینڈر میچ کے بہترین کھلاڑی قرار پائے۔ دونوں ٹیموں کے مابین 4 ٹیسٹ میچز کی سیریز ایک ایک سے برابر ہو گئی ہے، سیریز کا تیسرا میچ 27 جولائی سے اوول جبکہ آخری میچ 4 اگست سے مانچسٹر میں کھیلا جائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔