عازمین حج کو فراڈ سے بچانے کیلیےایس ایم ایس سروس کا آغاز

اسلام آباد: وزارت مذہبی امور نے عازمین حج کو فراڈ سے بچانے کیلیے ایس ایم ایس سروس کا آغاز کر دیا ہے جس پر عازمین میسیج کر کے مطلونہ معلومات حاصل کر سکتے ہیں۔

ایکسپریس نیوز کے مطابق وزارت مذہبی امور کی جانب سے حج 2017 کے لیے انتظامات کا سلسلہ جاری ہے اور عزام کرام کو فراڈ سے بچانے کے لیے وزارت کی جانب سے ایس ایم ایس سروس کا آغازکردیا گیا ہے، عزام کرام 8331 پر میسیج کر کے مطلوبہ معلومات حاصل کر سکتے ہیں، ساتھی ہی عازمین کو ہدایت کی گئی ہے کہ وہ بکنگ سے پہلے ٹور آپریٹر کمپنی کا کوٹہ اور اہلیت ضرور چیک کرلیں۔

وزارت مذہبی امور کے ترجمان کی جانب سے جاری بیان میں کہا گیا کہ عازمین حج کو ایس ایم ایس سروس پر ان کی مطلوبہ کمپنی کے مالک کا نام، پتہ، کوٹہ اور اہلیت کی معلومات ملیں گی۔ بیان میں کہا گیا کہ عازمینِ حج جعلساز کمپنیوں کے دھوکے اور سب ایجنٹس کو بھاری کمیشن دینے سے گریز کریں اور بکنگ کرواتے وقت کمپنی کی مہر شدہ اصل رسید اور معاہدے کی کاپی ضرور طلب کریں۔