- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ کو مسترد کردیا
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
- چوتھا ٹی ٹوئنٹی: نیوزی لینڈ کی پاکستان کے خلاف بیٹنگ جاری
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
ذوالفقار آباد ٹرمینل میں 2375 آئل ٹینکر پارک کرنے کی سہولت فراہم
کراچی: میئر کراچی وسیم اختر نے کہا ہے کہ آئل ٹینکرز کو سپریم کورٹ کی ہدایات کی روشنی میں ذوالفقار آباد آئل ٹینکرز ٹرمینل پر منتقل کرنے کا کام فوری شروع کیا جائے اور اس سلسلے میں تمام تر اقدامات مکمل کرلیے گئے ہیں۔
پاکستان اسٹیٹ آئل کو ہدایت کی گئی ہے کہ ان کے زیر انتظام آئل ٹینکرز کو جلد ازجلد ذوالفقار آباد آئل ٹینکرز ٹرمینل منتقل کردیا جائے،یہ بات انھوں نے سیکریٹری داخلہ حکومت سندھ قاضی شاہد پرویزکے دفتر میں منعقد ہونے والے جائزہ اجلاس سے خطاب کرتے ہوئے کہی۔
مشیر مالیات کے ایم سی خالد محمود شیخ، سینئر ڈائریکٹرمختار حسین ، آئل ٹینکرز ایسوسی ایشن کے عہدیداران ، پی ایس او کے افسران اس موقع پر موجود تھے،میئرکراچی نے کہا کہ ذوالفقار آباد آئل ٹینکرز ٹرمینل میں جو ترقیاتی کام رہ گئے ہیں انھیں تیزی کے ساتھ مکمل کیا جائے اور وہ تمام سہولیات پہنچائی جائیں جس کی وہاں ضرورت ہے۔
میئر کراچی نے کہا کہ سپریم کورٹ کے احکام کے مطابق اندرون شہر سے آئل ٹینکرزکی پارکنگ کے خاتمے کے لیے ذوالفقار آباد میں آئل ٹینکرز ٹرمینل قائم کیا گیا ہے جس کے لیے کے ایم سی نے تمام ضروری اقدامات کیے ہیں،مختلف مقامات پر آئل ٹینکرز کی پارکنگ کی وجہ سے ٹریفک میں پڑنے والے خلل اور شہریوں کو درپیش مشکلات کو دور کرنے کیلیے ذوالفقار آباد آئل ٹینکرز پارکنگ ٹرمینل میںآئل ٹینکرز کی مکمل طور پر منتقلی کا عمل جلد از جلد مکمل ہونا چاہیے، انھوں نے کہا کہ یہ شہرکا پرانا مسئلہ ہے اب اسے حل ہونا چاہیے۔
اجلاس کو بتایا گیا کہ ذوالفقار آباد آئل ٹینکرز ٹرمینل میں 2375آئل ٹینکرز پارک کی سہولت مہیا کی گئی جبکہ 10ہزار افراد کے لیے مختلف قسم کا انفراسٹرکچر بنایا گیا ہے اس ٹرمینل میں 128 بیت الخلاء ، پولیس چوکی،ٹائر شاپس، مساجد، وضو خانے،ریسٹورنٹس، ہوٹلز اور ڈرائیورز کے آرام کرنے کے لیے جگہ بھی مختص کی گئی ہے یہ منصوبہ مجموعی طور پر 150ایکڑ رقبے پر مشتمل ہے جس میں 120 ایکڑ رقبہ آئل ٹینکرز کی پارکنگ اور 30 ایکڑ رقبہ دیگر سہولیات کے لیے مخصوص کیا گیا۔
سیکریٹری داخلہ قاضی شاہد پرویز نے یقین دلایا کہ سپریم کورٹ کے احکام پر عملدرآمد کے لیے ہر ممکن تعاون فراہم کیا جائے گا،علاوہ ازیں میئر کراچی وسیم اختر نے کہا ہے کہ حکومت سندھ اور سندھ بلڈنگ کنٹرول اتھارٹی شہر میں بارشوں کے پیش نظر مخدوش عمارتوں کے حوالے سے اپنی ذمہ داریوں کو پورا کرے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔