- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی کے قریب ہونے والا دھماکا خود کش تھا، رپورٹ
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
- 9 مئی کیسز؛ فواد چوہدری کی 14 مقدمات میں عبوری ضمانت منظور
- بیوی کو آگ لگا کر قتل کرنے والا اشتہاری ملزم بہن اور بہنوئی سمیت گرفتار
- پی ٹی آئی حکومت نے دہشتگردوں کو واپس ملک میں آباد کیا، وفاقی وزیر قانون
- وزیر داخلہ کا کچے کے علاقے میں مشترکہ آپریشن کرنے کا فیصلہ
- فلسطین کواقوام متحدہ کی مکمل رکنیت دینے کا وقت آ گیا ہے، پاکستان
- مصباح الحق نے غیرملکی کوچز کی حمایت کردی
- پنجاب؛ کسانوں سے گندم سستی خرید کر گوداموں میں ذخیرہ کیے جانے کا انکشاف
- اسموگ تدارک کیس: ڈپٹی ڈائریکٹر ماحولیات لاہور، ڈپٹی ڈائریکٹر شیخوپورہ کو فوری تبدیل کرنیکا حکم
موجودہ گورنگ بورڈ آج آخری بار ’’ربڑ اسٹیمپ‘‘ بنے گا
لاہور: پی سی بی کا موجودہ گورننگ بورڈ جمعے کوآخری بار’’ربڑاسٹیمپ‘‘ بنے گا۔
پی سی بی گورننگ بورڈ کا 45واں اجلاس جمعے کو نیشنل کرکٹ اکیڈمی لاہور میں ہوگا،ڈومیسٹک فرسٹ کلاس کرکٹ ٹورنامنٹ میں ڈرافٹ سسٹم متعارف کرایا جارہا ہے جس کے تحت ریجنل ٹیموں میں صرف 8 مقامی کرکٹرز شامل ہونگے، دیگر 12 کا انتخاب ڈرافٹ سسٹم کے ذریعے کیا جائے گا، توقع ہے کہ میٹنگ میں بعض ایسوسی ایشنز اس حوالے سے آواز اٹھائیں گی تاہم پھر بھی منظوری مل جائے گی۔
گورننگ بورڈ کی میٹنگ میں چیئرمین پی سی بی شہریارخان اپنی رپورٹ پیش کریں گے، سابق سفارتکار کے عہدے کی مدت ختم ہورہی ہے، یوں انھیں آخری بار اجلاس کی صدارت کا موقع ملے گا، نئے مالی سال 2017/18کیلیے سالانہ بجٹ بھی پیش کیا جائے گا، ڈومیسٹک افیئرز اور گیم ڈیولپمنٹ کمیٹیز اپنی رپورٹس پیش کریںگی، موجودہ گورننگ بورڈ ارکان کی تین سالہ مدت ختم ہو رہی ہے اور وہ آخری بار اجلاس میں شامل ہوں گے، اس موقع پر نئے ارکان کی شمولیت کے طریقہ کار پر بات ہو گی۔
روٹیشن پالیسی کے تحت اسلام آباد، راولپنڈی،کراچی اور پشاورکی رکنیت ختم ہوگی، ان کی نشستیں لاہور، سیالکوٹ، کوئٹہ اور فاٹا کے سنبھالنے کی باری ہے۔ ڈپارٹمنٹس میں واپڈا اور یوبی ایل برقرار رہیں گے،نیشنل بینک اور سوئی ناردرن گیس پائپ لائنز کی جگہ حبیب بینک اور سوئی سدرن گیس کو ملے گی، ڈومیسٹک وینیوز اور پچز کی اپ گریڈیشن،کوچز اور معاون اسٹاف کے معاملات بھی زیر غور آئیں گے،چاغی اور پاکپتن ڈسٹرکٹ کو ایسوسی ایٹ ممبر بنائے جانے کی منظوری بھی دی جائے گی، ارکان کو پاکستان سپر لیگ کے اگلے ایڈیشن کے حوالے سے ہونے والی پیش رفت سے بھی آگاہ کیا جائے گا، ماضی میں گورننگ بورڈ کے ارکان ربڑ اسٹمپ کا کردار ادا کرتے ہوئے قبل ازیں کیے گئے فیصلوں کی توثیق کرتے رہے ہیں،اس بار بھی کچھ مختلف ہونے کی توقع نہیں کی جارہی۔
چیئرمین پی سی بی شہریارخان سیریز نہ کھیلنے پر بھارتی بورڈ سے زرتلافی طلب کرنے کیلیے کارروائی کا عندیہ دے چکے، وکلا کو کیس تیار کرنے کی ہدایت کردی گئی ہے، جی ایم لیگل غیرملکی فرم کے ساتھ رابطے میں بھی ہیں، کیس آئی سی سی کی تنازعات حل کرنے والی کمیٹی کے سامنے رکھا جائے گا، اس حوالے سے ارکان کو اعتماد میں لیا جائے گا۔
چیئرمین پی سی بی شہریار خان کی رخصتی کے بعد نجم سیٹھی ان کی جگہ لینے کیلیے تیار بیٹھے ہیں،چیف پیٹرن وزیر اعظم نواز شریف کی جانب سے انھیں دوبارہ گورننگ بورڈ کا رکن نامزد کردیا گیا ہے،الیکشن کی رسمی کارروائی باقی ہے، ایجنڈے کا حصہ نہ ہونے کے باوجود نجم سیٹھی کے حوالے سے ارکان کو اعتماد میں لینے کا سلسلہ بھی جاری رہے گا۔
یاد رہے کہ سالانہ جنرل میٹنگ میں خلاف معمول گورننگ بورڈ کے رکن شکیل شیخ نے نجم سیٹھی کو چیئرمین پی سی بی بنائے جانے کی قرار داد منظور کرا دی تھی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔