گوجرانوالہ: ینگ ڈاکٹرزکی ایم ایس سول اسپتال کو دھمکیاں،پولیس کی نفری تعینات

گوجرانوالہ: ینگ ڈاکٹرزکی ایم ایس سول اسپتال کو دھمکیوں کی وجہ سے پولیس کی بھاری نفری تعینات کردی گئی۔

ایم ایس سول اسپتال ڈاکٹر انور امان نے ڈی سی او کو اطلاع دی ہے کہ ینگ ڈاکٹرز کی طرف سے انہیں فون پردھمکیاں دی جارہی ہیں کہ وہ جیل سے رہائی کے بعد دوبارہ ان پر حملہ کریں گے اور ایمرجنسی وارڈ بند کردیں گے، ان کی جان کو خطرہ ہے، ان خبروں کے بعد ایم ایس آفس، آؤٹ ڈور، ایمرجنسی اور اسپتال کے چاروں اطراف میں پولیس نفری کو تعینات کردیا گیا، ایم ایس ڈاکٹر انورامان نے کہا ہے کہ وہ دھمکیوں کے باوجود کام کرتے رہیں گے۔

دوسر ی طرف صدر وائی ڈی اے ڈاکٹر کاشف بلال کا کہنا ہے کہ ایم ایس کو دھمکیاں دینے کی خبر بے بنیاد ہے۔