- علاقائی صورتحال کے تناظر میں ایرانی صدر کا دورہ انتہائی اہم ہے، وزیرداخلہ
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
- ایکسپورٹ فیسیلی ٹیشن اسکیم کے غلط استعمال پر 10کروڑ روپے جرمانہ
- معیشت2047 تک 3 ٹریلین ڈالر تک بڑھنے کی صلاحیت رکھتی ہے، وزیر خزانہ
- پٹرولیم ایکسپلوریشن اینڈ پروڈکشن کمپنیوں نے سبسڈی مانگ لی
- پاکستان کی سعودی سرمایہ کاروں کو 14 سے 50 فیصد تک منافع کی یقین دہانی
- مشرق وسطیٰ کی بگڑتی صورتحال، عالمی منڈی میں خام تیل 3 ڈالر بیرل تک مہنگا
- انٹرنیشنل کرکٹ میں واپسی پر محمد عامر کے ڈیبیو جیسے احساسات
- کُتا دُم کیوں ہلاتا ہے؟ سائنسدانوں کے نزدیک اب بھی ایک معمہ
- بھیڑوں میں آپس کی لڑائی روکنے کیلئے انوکھا طریقہ متعارف
- خواتین کو پیش آنے والے ماہواری کے عمومی مسائل، وجوہات اور علاج
صنعتی لاگت میں کمی کیلیے بجلی کے نرخ گھٹانے کا فیصلہ
کراچی: وفاقی حکومت نے برآمدات میں کمی کا تسلسل روکنے کے لیے صنعتی شعبے کی پیداواری لاگت میں کمی لانے کا فیصلہ کیا ہے۔
ایف پی سی سی آئی کے صدر زبیر طفیل نے ایکسپریس کو بتایا کہ وفاقی حکومت نے صنعتی شعبے کو بجلی کے انڈسٹریل ٹیرف میں کمی کی یقین دہانی کرائی ہے جس پر جلد عمل درآمد متوقع ہے۔ انہوں نے بتایا کہ اس وقت صنعتی شعبے کے لیے بجلی کے نرخ 12سے 16روپے فی یونٹ ہیں جو خطے کے دیگر ملکوں کے مقابلے میں سب سے زیادہ ہیں۔ بھارت میں صنعتی شعبے کو 8سے 9روپے فی یونٹ میں بجلی مہیا کی جارہی ہے جس کی وجہ سے بھارت کے مقابلے میں پاکستان کی پیداواری لاگت زائد اور بین الاقوامی منڈی میں مسابقت دشوار ہورہی ہے، نتیجے میں برآمدات میں کمی کا سامنا ہے۔
زبیر طفیل نے کہا کہ سی پیک منصوبوں کے تحت لگنے والے پاور پلانٹس سے صنعتی شعبے کو بجلی کی فراہمی میں بہتری آئیگی جس سے پاکستان کو طویل مدتی فائدہ پہنچے گا۔ صنعتی شعبے کے لیے ٹیرف میں کمی کا فائدہ دیگر صنعتوں کے ساتھ ویلیو ایڈڈ ٹیکسٹائل سیکٹر اور لیدر انڈسٹری کو بھی پہنچے گا جو برآمدات میں نمایاں حصہ رکھتی ہیں تاہم ان شعبوں کی پیداواری لاگت زائد ہونے کی وجہ سے خطے کے دیگر ملکوں سے مسابقت دشوار ہے۔ اندازے کے مطابق پاکستان کی برآمدی صنعتوں کی پیداواری لاگت میں بجلی کا حصہ 86فیصد کے لگ بھگ ہے جبکہ سری لنکا بھارت اور بنگلہ دیش کی صنعتی لاگت میں بجلی کا حصہ 45فیصد کے قریب ہے۔
اس مقصد کے لیے صنعتی شعبے کے لیے بجلی کے نرخ میں 3 روپے تک کی مزید کمی لائی جائے گی تاکہ برآمدی اور ویلیو ایڈڈ صنعتوں کے لیے بھارت، سری لنکا اور بنگلہ دیش کے جیسے روایتی حریف ملکوں سے مسابقت کو آسان بنایا جاسکے۔ صنعتی شعبے کی مشکلات کو کم کرکے برآمدات میں اضافے کے لیے صنعتی ٹیرف میں کمی کا اعلان جلد متوقع ہے۔
واضح رہے کہ یہ فیصلہ صنعتی شعبے کے مطالبے پر کیا گیا جس کا کہنا ہے کہ مہنگی بجلی کی وجہ سے پیداواری لاگت میں اضافہ پاکستان کے لیے بین الاقوامی منڈی میں مسابقت کو دشوار بنارہا ہے۔ پاکستان خطے میں سب سے مہنگی بجلی پیدا کرنے والا ملک ہے اور کاروباری لاگت میں اضافے کی اہم وجہ بھی بجلی کی کمی اور بجلی کے زائد نرخ کو قرار دیا جاتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔