عائشہ احد کا رانا ثنا اللہ کو ہتک عزت کا نوٹس

لاہور: مسلم لیگ (ق) کی سابق رکن پنجاب اسمبلی اور حمزہ شہباز کی مبینہ بیوی عائشہ احد نے وزیر قانون پنجاب رانا ثناء اللہ کو قانونی نوٹس بھجوا دیا ہے۔

ایکسپریس نیوز کے مطابق عائشہ احد ملک نے اپنے وکیل علی ضیاء باجوہ کی وساطت سے وزیر قانون پنجاب رانا ثناء اللہ کو قانونی نوٹس بھجوایا ہے، جس میں کہا گیا ہے کہ رانا ثنا اللہ نے ان پر پیشہ ور ہونے کی تہمت لگا کر انہیں بدنام کرنے کی کوشش کی ہے، رانا ثناءاللہ 7 روز میں تحریری معافی مانگیں یا 20 کروڑ روپے ہرجانہ ادا کریں۔

اس خبرکوبھی پڑھیں: عمران خان کا وزیراعظم سے عائشہ احد کے الزامات پر بھی کمیٹی بنانے کا مطالبہ

واضح رہے کہ عائشہ احد کا دعویٰ ہے کہ وہ شہباز شریف کے بڑے بیٹے حمزہ شہباز کی منکوحہ ہیں، وہ گزشتہ دور حکومت میں مسلم لیگ (ق) کے ٹکٹ پر رکن پنجاب اسمبلی بھی رہ چکی ہیں۔

اس خبرکوبھی پڑھیں: میاں صاحب اپنے گھر کی بہو کیلیے کمیٹی کب بنائیں گے، عائشہ احد