ٹینس پلیئر سارا ایرانی ڈوپ ٹیسٹ میں ناکام، 2 ماہ کیلیے معطل

 لندن: اٹلی کی ٹینس پلیئر سارا ایرانی ڈوپ ٹیسٹ میں ناکام ہوگئیں، رواں برس فروری کے بعد سے وہ جن میچز میں شریک ہوئیں ان کے نتائج منسوخ کرنے کےساتھ انہیں 2 ماہ معطلی کی سزا بھی دی گئی ہے۔

ٹینس اینٹی ڈوپنگ پروگرام کی جانب سے جاری ہونے والے اعلامیہ میں کہا گیا کہ سارا ایرانی کا فروری میں ڈوپ ٹیسٹ لیا گیا، اپریل میں ان پر ڈوپنگ قواعد کی خلاف ورزی کے چارجز عائد ہوئے، جس پر انہوں نے آزاد ٹریبیونل میں سماعت کی درخواست کردی، 19 جولائی کو ٹریبیونل نے شواہد دیکھے اور فریقین کا مؤقف سننے کے بعد فیصلہ سنایا۔