- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
- کراچی میں سیشن جج کے بیٹے قتل کی تحقیقات مکمل،متقول کا دوست قصوروار قرار
- غزہ کے اسپتالوں میں اجتماعی قبروں نے اقوام متحدہ کو بھی خوفزدہ کردیا
- ایکس کی اسمارٹ ٹی وی ایپ متعارف کرانے کی تیاری
لاہور: ٹرک میں دھماکا، بارودی مواد کا شبہ
لاہور میں چند روز بیشتر ہونے والے دھماکے بعد حکومت کی جانب سے بڑے بلند بانگ دعوے کیے گئے تھے کہ سیکیورٹی کے انتظامات انتہائی سخت کر دیے گئے ہیں، لیکن پارکنگ اسٹینڈ میں کھڑے ایک ٹرک میں دھماکے کے نتیجے میں دو افراد کی قیمتی جانوں کے ضیاع اور 32 افراد زخمی ہونے کی خبر نے ان دعوؤں کی قلعی کھول دی ہے۔ دھماکے سے قریب واقع تین منزلہ عمارت بھی زمین بوس ہو گئی۔ ٹرک میں بارودی مواد کی موجودگی کا شبہ ظاہر کیا ہے۔ ہم بحیثیت قوم دہشتگردی کے خلاف ایک دہائی سے زائد عرصے سے نبرد آزما ہیں، یقینا ایک طویل جدوجہد اور ہزاروں جانوں کی قربانیوں کے بعد اس میں نمایاں کمی ضرور واقع ہوئی ہے لیکن اس پر مکمل طور پر قابو نہیں پایا جا سکا ہے۔
قومیں وہی ترقی کرتی ہیں جو اپنی غلطیوں اور کوتاہیوں سے سبق حاصل کرکے اپنی اصلاح کرتی ہیں۔ بلاشبہ سیکیورٹی لیپس کے عنصر کو نظر انداز نہیں کیا جا سکتا، کیونکہ جب ہم حالات جنگ میں ہوں اوردہشتگرد ’’ہٹ اینڈ رن‘‘ والی پالیسی اپنائے ہوئے ہوں تو ذرا سے غفلت بھی انسانی جان و مال کے ضیاع کا سبب بن سکتی ہے۔ تفتیشی حکام کے مطابق دھماکا خیز مواد نمی کے باعث پھٹا، ٹرک میں کچھ کیمیکل بھی موجود تھا جسے جانچنے کے لیے فرانزک لیب بھجوادیا گیا ہے۔
تفتیشی حکام کا کہنا ہے کہ جس جگہ ٹرک کھڑا تھا وہ کوئی ٹارگٹ نہیں تھا تاہم حکام کو ٹرک کے انجن اور چیسز نمبرکی تلاش ہے۔ اصل حقیقت تو تحقیقات مکمل ہونے کے بعد ہی سامنے آئے گی۔ لیکن ہمیں اس ضمن میں عوام میں میڈیا کے ذریعے شعور و آگہی بھی بیدار کرنے کی فوری ضرورت ہے کہ کس طرح دہشتگردوں کے عزائم کو ناکام بنایا جائے۔ جبتک عوام قانون نافذ کرنیوالے اداروں کے شانہ بشانہ کھڑے نہیں ہوں گے اس وقت تک ایسے واقعات پر قابو پانا ممکن نہ ہو گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔