کرن جوہر ایک بار پھر سلور اسکرین پر جلوہ گر ہوں گے

ویب ڈیسک  بدھ 9 اگست 2017
’انٹرنیشنل انڈین فلم اکیڈمی ایوارڈز‘ پر بننے ولی فلم میں کرن کے ساتھ  سوناکشی اور ادتیا رائے کپور لیڈ رول کریں گے۔ فوٹو: فائل

’انٹرنیشنل انڈین فلم اکیڈمی ایوارڈز‘ پر بننے ولی فلم میں کرن کے ساتھ سوناکشی اور ادتیا رائے کپور لیڈ رول کریں گے۔ فوٹو: فائل

ممبئی: بالی ووڈ کے معروف فلمساز اور ہدایت کار کرن جوہر نے ایک بار پھر اداکاری میں اپنی قسمت آزمانے کا فیصلہ کیا ہے اور اس بار کرن جوہر فلم میں ڈبل رول ادا کرتے نظر آئیں گے۔

کرن جوہر کا شمار بھارت کے کامیاب ترین ہدایت کاروں میں ہوتا ہے جب کہ انہوں نے کئی کامیاب فلمیں بھی پروڈیوس کی ہیں لیکن اداکاری میں وہ اپنا لوہا نہ منوا سکے۔ کرن جوہر نے 1995 میں بالی ووڈ کی سب سے زیادہ چلنے والی فلم ’دل والے دلہنیا لے جائیں گے‘ میں اداکاری کا آغاز کیا اور بعدازاں ’ممبئی ویلوئٹ‘ میں ولن کا کردار کیا لیکن بطور اداکار وہ انڈسٹری کو متاثر کرنے میں ناکام رہے۔

کرن جوہر نے 1998 میں بالی ووڈ کی بلاک بسٹر فلم ’کچھ کچھ ہوتا ہے‘ سے ہدایت کاری کا آغاز کیا اور اپنی پہلی ہی فلم پر بہترین ہدایت کار کا ایوارڈ جیتا جب کہ ان کی دیگر کامیاب فلموں میں ’کبھی خوشی کبھی غم‘، ’ کبھی الوداع نہ کہنا‘، ’مائی نیم از خان‘، ’اسٹوڈنڈ آف دی ایئر‘ شامل ہیں۔ بطور فلمساز انہوں نے’کل ہو نہ ہو‘، ’دوستانہ‘، ’اگنی پت‘ اور کپور ایںڈ سنز جیسی کامیاب فلمیں شامل ہیں۔

اس خبر کو بھی پڑھیں؛ ہدایتکار کرن جوہر گلوکار بن گئے

بھارتی میڈیا رپورٹس کے مطابق کرن جوہر ایک بار پھر بڑے پردے پر آنے کی تیاری کررے ہیں جب کہ فلم رواں سال نیویارک میں ہونے والے ’انٹرنیشنل انڈین فلم اکیڈمی ایوارڈز‘ پر بنے گی جس میں سوناکشی سنہا، ادتیا رائے کپور اور دلجیت دوسانجھ اہم کردار ادا کریں گے۔ کرن جوہر نے اس پروجیکٹ پر کام کرنے کی رضامندی ظاہر کردی ہے جس میں وہ ڈبل رول اد کریں گے۔

واضح رہے کرن جوہر نے فلم ’ممبی ویلیٹ‘ کی ناکامی پر دوبارہ کبھی بھی بطور اداکارہ فلم نہ کرنے کا اعلان کیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔