دلیپ کمار صحتیاب، اسپتال سے گھر منتقل

 ممبئی: بھارتی فلم انڈسٹری کے لیجنڈ اداکار دلیپ کمار صحتیابی کے بعد اسپتال سے گھر منتقل ہوگئے۔

بالی ووڈ کے معروف اداکار دلیپ کمار کو 8 روز پہلے  گردے میں تکلیف کے باعث لیلاوتی اسپتال میں داخل کیا گیا تھا، علاج کے بعد ان کی صحت بہتر ہو رہی تھی اس لئے ڈاکٹرز کی جانب سے آج انہیں اسپتال سے فارغ کرنے کا فیصلہ کیا گیا جس کے بعد وہ بیوی سائرہ بانو کے ہمراہ اپنے گھر منتقل ہو گئے۔

دلیپ کمار کی بیوی اور ماضی کی معروف اداکارہ سائرہ بانو نے دلیپ کمار کے ٹویٹر اکاؤنٹ سے مداحوں کو پیغام دیتے ہوئے کہا کہ اللہ کے فضل و کرم سے دلیپ صاحب کو ڈاکٹرز نے گھر جانے کی اجازت دے دی ہے تاہم وہ اب بھی ڈاکٹر نتن اور ارون کی نگہداشت میں ہیں۔

اس خبر کو بھی پڑھیں :دلیپ کمار کی اچانک طبیعت بگڑگئی

Message from Saira Banu:
By the grace of Allah, Dilip Sahab is under the care of Dr. Nitin Gokhale, Dr. Arun Shah of Lilavati Hospital…1/

— Dilip Kumar (@TheDilipKumar) August 9, 2017

3/ team has given the green signal to take Sahab home today.

— Dilip Kumar (@TheDilipKumar) August 9, 2017

سائرہ بانو نے ایک اور ٹویٹ میں کہا کہ مداحوں اور دوستوں کی جانب سے دعاؤں جب کہ ڈاکٹرز اور عملے کی طرف سے دلیپ صاحب کی بہترین دیکھ بھال کیلئے شکریہ ادا کرتی ہوں۔

4/ My gratitude to fans, friends for prayers, doctors for expert treatment, hospital staff n Sahab's personal attendants for all the care.

— Dilip Kumar (@TheDilipKumar) August 9, 2017

واضح رہے کہ 94 سالہ اداکار دلیپ کمار کی صحت رواں برس تیزی سے گری ہے اور انہیں کئی بار اسپتال میں داخل ہونا پڑا ہے۔ گزشتہ برس اپریل میں دلیپ کمار کو بخار اور متلی کی وجہ سے اسپتال میں داخل کیا گیا تھا جبکہ دسمبر میں ان کے دائیں پاؤں میں سوجن ہوگئی تھی جس کی وجہ سے انہیں اسپتال لے جایا گیا تھا۔