لاہور: جھگی میں آتشزدگی، 4 بچے جھلس کر جاں بحق

لاہور: سبزہ زار کے علاقے میں جھگی میں آگ لگنے سے 4 بچے جھلس کر جاں بحق ہوگئے۔

ایکسپریس نیوز کے مطابق سبزہ زار کے علاقے میں یاسین نامی مزدور بیوی اور 4 بچوں کے ساتھ ایک جھگی میں رہتا تھا، واقعے پیش آنے کے وقت یاسین اپنے بچوں کے ہمراہ گھر میں موجود تھا اور کھانا پکانے کے لئے چولھا جلا کر جیسے ہی باہر گیا کپڑے سے بنی جھگی میں آگ لگ گئی جس کی زد میں آکر 10 سالہ آصف، 7 سالہ نگینہ، ساڑھے 4 سالہ فرزانہ اور ڈیڑھ سالہ قاسم جھلس کر موقع پر ہی جاں بحق ہوگئے۔