- پاکستان اور نیوزی لینڈ کے مابین چوتھا ٹی ٹوئنٹی آج کھیلا جائے گا
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
کسٹمز ڈیوٹی شارٹ فال پورا کرنے کے لیے اقدامات کی منظوری
اسلام آباد: فیڈرل بورڈ آف ریونیو (ایف بی آر) نے کسٹمز ڈیوٹی کی مد میں ہونے والی وصولیوں میں شارٹ فال کم کرنے کے لیے ضبط شدہ گاڑیاں و دیگر سامان فروخت کرنے، ٹیکس دہندگان کی جمع کرائی جانے والی بینک گارنٹیاں کیش کرانے سمیت دیگر اقدامات کرنے کی منظوری دیدی۔
منظوری سے کسٹمز ڈیوٹی کی مد میں 10 ارب روپے کے لگ بھگ اضافی ریونیو متوقع ہے تاہم نان کسٹمز پیڈ گاڑیوں کو ڈیوٹی ٹیکس جمع کراکر قانونی شکل دینے کی اسکیم کی منظوری نہیں دی گئی اور اسے وزارت خزانہ کی منظوری سے مشروط کردیا گیا ہے۔ گزشتہ روز چیئرمین ایف بی آر علی ارشد حکیم کی زیر صدارت چیف کلکٹرز کانفرنس ہوئی جس میں چیف کلکٹر اپریزمنٹ انفورسمنٹ کسٹمز ہاؤس کراچی، چیف کلکٹر نارتھ، چیف کلکٹر سائوتھ و چیف کلکٹر سینٹرل کسٹمز ہائوس لاہور سمیت دیگر متعقلہ حکام نے شرکت کی۔
ذرائع کے مطابق اجلاس میں رواں مالی سال کے پہلے 7 ماہ کے دوران کسٹمز ڈیوٹی کی مد میں وصولیوں میں شارٹ فال کا جائزہ لیا گیا اور اسے پورا کرنے کے لیے انتظامی اقدامات کی منظوری دی گئی۔ چیئرمین ایف بی آر علی ارشد حکیم نے چیف کلکٹرز کو ہدایت کی کہ آئندہ 5 ماہ کے دوران کسٹمز ڈیوٹی کے بقایاجات زیادہ سے زیادہ وصول کیے جائیں، اس کے علاوہ ایسے کیس جن میں درآمدکنندگان کی طرف سے بینک گارنٹیاں جمع کرائی گئی ہیں اور درآمد کنندگان مہلت کے تمام قانونی تقاضے پورے کرنے کے باوجود واجبات جمع نہیں کرارہے تو بینک گارنٹیاں کیش کرالی جائیں۔
اسی طرح کلکٹریٹس کی طرف سے ضبط کی جانے والی اسمگل شدہ گاڑیاں و دیگر اشیا کی نیلامی کی جائے جبکہ ناجائز طور پر کسٹم ڈیوٹی چھوٹ کلیم کرنے والے ٹیکس دہندگان سے چھوٹ واپس لے کر واجبات ریکور کیے جائیں۔ ذرائع نے بتایا کہ نان ڈیوٹی پیڈ گاڑیوں کو ڈیوٹی اور ٹیکس وصول کرکے قانونی حیثیت دینے کی اسکیم کی منظوری نہیں دی گئی ہے، یہ اسکیم وزارت خزانہ سے منظوری کے بعد متعارف کرائی جائے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔